- Bugungi o'yin haqidagi fikrlaringiz bilan o'rtoqlashsangiz...
- Menimcha, yomon o'yin bo'lmadi. Muxlislarimiz bizni qo'llab-quvvatlash uchun uzoq masofani bosib o'tishdi. Ulardan minnatdormiz. Biz bugun borimizni berdik, ammo natijada shunday bo'lishi kerak ekan. Bir ochkoni qo'lga kiritdik. O'z uyimizda bo'lib o'tadigan keyingi o'yinga yanada yaxshiroq tayyorgarlik ko'ramiz.
- "Dinamo"ning joriy mavsumdagi startini qanday baholaysiz? "Dinamo" dastlabki to'rt bahsda ikkita durang va shuncha g'alaba qayd etdi...
- Chempionatni yomon boshlamadik. Bundan ham yaxshiroq bo'lishi mumkin edi. Masalan, bugun bir nechta vaziyatlarimizdan foydalana olmadik. Bundan-da yaxshiroq va yuqoriroq natijalar qayd etishga intilamiz.
- "Dinamo" o'tgan mavsumda ancha hujumkor va yorqin o'yin ko'rsatishiga qaramay, jamoa musobaqa jadvalining o'rtasida qolib ketgan edi. O'zbekiston Kubogida esa jamoa o'z ishtirokini guruh bosqichidayoq yakunlagan edi. "Dinamo"ning yangi mavsumdagi maqsadlari qanday? Aprel oyida Kubok bahslari start oladi...
- Yangi mavsumda sovrinli o'rinlar uchun kurashamiz. Nasib qilsa, Kubok bahslarida chempionlikni qo'lga kiritishga harakat qilamiz.
Abdulvosit Bektemirov suhbatlashdi
Izohlar