Ўйин ҳақида

- Бугун "Сўғдиёна" жуда яхши ўйин намойиш этди. Улар кўрсатган ҳужумкор футбол эвазига ғалабага ҳақли эдилар. Мен пенальти белгиланган вазиятга тушунмадим, бу ВАР билан маслаҳатлашиб кўриб чиқиладиган холат эди назаримда.

- Жамоангиз яхши ўйнаб туриб ютқазди. Буни қандай изоҳлайсиз?

- Тўғри, жамоамиз кўрсатган ўйиндан қониқдим. Гарчи натижа биз учун яхши бўлмаса ҳам, умумий хулоса қилсак, ўйинимиз ёмон эмас. Бизга вазиятларни якунлашда аниқлик етишмаяпти.

- Давралар оралиғида қайси чизиқларни кучайтирмоқчисиз?

- Ҳа, трансферлар ойнаси вақтида бизга зарур бўлган футболчиларни таркибга жалб этамиз. Бизга ҳужумкор футбол намойиш этадиган футболчилар зарур. Масалан, ҳозир Иқбол Маликжонов ҳужум ташкил этишда фаоллик намойиш этаяпти. Қанотда Абдулазиз Юсупов бор, ҳужумкор футболчи. Бизга якуний зарбаларда аниқликка эга бўлган футболчилар зарур.

Анхель Лопес: "Бизга ҳужумларни якунлашда аниқлик етишмаяпти"