- Ўйин ҳақида

- Ўйлайманки, ҳар икки таймда ғалаба учун боримизни бердик. Гол уришга ҳаракат қилдик. Жуда кўп бурчак тўплари, жуда кўп вазиятларга эга бўлдик, аммо бундан фойдалана олмадик.

- Жамоада икки дарвозабони (Шоҳруҳ Эшбўтаев, Хавьер Хименес – таҳр.)ни навбати билан алмаштириб туширишингиз нима билан боғлиқ?

- Биз ҳозирда икки кучли дарвозабонга эгамиз. Улар ўзаро жиддий рақобат ҳосил қилишмоқда. Шоҳруҳнинг машғулотлардаги фаоллигини инобатга олиб, уни майдонга туширишга қарор қилдим. Икки кучли дарвозабонга эга эканлигимиздан хурсандмиз.

- Ноқулай об-ҳаво (кучли шамол - таҳр.) ва майдоннинг ҳолати ўйинга таъсир кўрсатди деб ўйлайсизми?

- Тошкентда деярли ҳар куни ёмғир ёғмоқда. Ҳа, бундай об-ҳавода машғулот ва ўйин ўтказиш мушкул.

- Испаниялик ҳамкасбингиз, "Металлург" устози Луисма Эрнандесдан қандай ишланмаларни кутгандингиз?

- Биз "Металлург"га қарши ўйинга жиддий тайёргарлик олиб бордик. Улар "Насаф"га қарши ажойиб ўйин кўрсатишди. Фаолликни умуман сусайтирмасликка уриндик. Биз олдинги ўйинларимизда ҳам яхши ўйин кўрсатгандик, аммо ғалаба қозона олмагандик.

- Бугун қўлга киритилган 1 очкодан қониқиш ҳосил қилмадингизми?

- 100% бўлмаса-да, баҳсдан қониқиш ҳосил қилдим. Жуда кўп вазиятлардан унумли фойдалана олмадик. Кезадада жарима зарбалари, бурчак тўплари юзага келди. Афсуски, бирортасини голга айлантира олмадик.

Анхель Лопес: "Ғалаба учун боримизни бердик"