ARSENAL : XALL SITI

Mavsumning uchdan bir qismi deyali o'tib bo'ldi. Chorshanba oqshomida o'z maydonida “Xall Siti”ni qabul qiladigan “Arsenal” ayni vaqtda o'zining eng yaqin taqibchisini to'rt ochkoga ortda qoldirgan holda turnir jadvalida peshqadamlik qilmoqda. Bu o'yinda har qanday natija qayd etilishidan qatiy nazar “kanonirlar” birinchi pog'onani bu turda ham saqlab qolishlari aniq. Katta ehtimolki, ular bu o'yindan keyin ochkolari sonini 34taga etkazib olishadi. Har xolda bukmeykerlar, garchi o'tgan turda “Liverpul”ni enggan bo'lsada “Xall Siti” g'alabasini 12/1 deya, o'ta past baholashmoqda.

Ushbu o'yinda Arsen Venger tarkibni keyingi uchrashuvlarga ham tetik holda olib borish maqsadida bir necha rotaciyaga yo'l qo'ysa kerak. Bir necha o'yindan buyon jarohatini tiklab, optimal formaga chiqishga ulgurmagan asosiy tarkibga kiritgan Teo Uolkott dastlabki daqiqalardanoq maydonga tushsa kerak. Shuningdek, Tomash Rosicki va Jek Uilsherlar ham bu safar asosiy tarkibdar o'rin olishi katta ehtimol.

“Xall Siti” Premer-ligada o'zining mehmondagi 30 o'yinidan faqatgina bittasidagina g'alaba qozongani, uning bu o'yindagi imkoniyatlari haminqadar ekanini ko'rsatib turadi. So'nggi turda “Liverpul”ni yutdi-ku deysizmi? O'z uyida har bir ingliz klubi istalgar raqibni qiynay oladi.

“SA” taxmini: “Arsenal” 70 % - 30 % “Xall Siti”

LIVERPUL : NORVICH

Brenden Rojers shogirdlari bu o'yinda ochko yo'qotilishiga aslo yo'l qo'ya olmasliklari tushunarli. Mavsumni kutilganidan ham ancha kuchliroq boshlagan buyuk “Bitlz” guruhi hamshaxarlari so'nggi ikki turda faqatgina bir ochko ishlay bildi. O'tgan turning haqiqiy sensaciyasi ham aynan Suares va uning jamoadoshlarining mag'lub bo'lishgani bo'ldi. “Liverpul”da shunaqa g'alati tendenciya anchadan buyon bor. Kulchi klublarga qarshi o'yinlarga shu qadar kuchli chog'lanish bilan tushishadi va g'alabalarni qo'lga kiritadi. Kamida katta bosh og'riq yaratadi grandlarga. Biroq ortiqcha qiyinchiliksiz qo'lga kiritilishi bo'lgan uch ochkolarga har doim ham ega chiqa olishmaydi. Bu kecha yoki bugun paydo bo'lib qolgan muammo emas. O'yinga o'zini ruhan tayyorlash borasida “Qizillar” anchagina ish olib borishlari kerak.

“Norvich”ga qarshi o'yinda ham, o'tgan turda bo'lgani kabi Starrij maydonga tushmaydi. Jarohatidan halos bo'lib ulgurmadi hali.

Biroq shunay bo'lsada, yaqindagina turnir jadvalining ikkinchi pog'onasida borayotgan Rojers shogirdlari, yana peshqadamlardan biriga aylanish istagida, katta motivaciya bilan harakat qilishlari va “Enfild”ning fantastik qo'llab-quvvatlashini hisobga olib, “Liverpul”ning ishonchli g'alabasini taxmin qilsa bo'ladi.

“SA” taxmini: “Liverpul” 65% - 35% “Norvich”

MANCHESTER YUNAYTED : EVERTON

Turning eng qiziqarli kechishi kutilayotgan uchrashuv. “Manchester Yunayted” va “Everton” uchun ham umumiy bo'lgan nomlar juda ko'p tilga olinadigan o'yin bu. Devid Moyes uzoq yillar davomida boshqargan jamoasiga qarshi “qizil iblislar”ni jangga olib tushadi. “Everton” muxlislari tomonidan doimo xushtakbozlik va uvillashlar bilan kutib olinadigan, “Everton” tarbiyalanuvchisi Ueyn Runi yana bir bor Liverpulning ko'k qismini hafa qilishga urinadigan baxsning guvohi bo'lamiz.

“Everton” ushbu mavsumda yangi bosh murabbiy Roberto Martines bilan Moyes davridagidan ham yaxshiroq, tomoshaboproq, jozibaliroq o'yinlar namoyish etayotganini ta'kidlab o'tish lozim. Jamoa hozirda turning jadvalining beshinchi pog'onasida borayotgani bejiz emas.

“Old Trafford”da “MYU” o'z muxlislari ko'z o'nggida o'ynashini hisobga olib, kichik ustunlikni “qizil iblislar”ga berish mumkin, bizningcha.

“SA” taxmini: “MYU” 55% - 45%“Everton”

SANDERLEND : CHELSI

Avvalgi turda “Sautgempton”ni 3:1 hisobida g'alaba qozonib, turnir jadvalida ikkinchi o'irnga ko'tarilib olgan “Chelsi” bu turda “Sanderlend” maydoniga safar qiladi. Mourinyo jamoasi juda qiziq. Mavsum boshidan buyon klubning premer-ligada barcha hujumchilari urgan gollarning umumiy soni - 4ta. Eto’O ikkita, Torres va Ba bittadan gol urishgan. Qizig'i, klub himoyachilari ham aynan shuncha gol kiritishga muvoffaq bo'lishgan. Londonliklar baxtiga, jamoa juda kuchli yarim himoya chizig'iga ega. Oskar, Lempard, Azar kabi futbolchilar barqaror ravishda kuchli o'yin namoyish etish bilan bir qatorda, doimiy ravishda gollar urib, eng muhim ochkolarni olib beryapti.

“Sanderlend”da esa ahvol tobora og'irlashib boryapti. Jamoa ohiridan ikkinchi o'ringa mustahkam joylashgan. Uning yig'gan ochkolari o'tkazilgan o'yinlar sonidan ham kamroq. Vaziyatni o'nglash yana bir turga ortga suriladigan ko'rinadi. Zero “Chelsi”ga “Bazel”dan qabul qilib olingan mag'lubiyatlar muzdek dush vazifasini o'tab bergan ko'rinadi.

Ha-ya, Mata ham maydonga tushirila boshlandi. Demak, “Sanderlend” ko'p narsaga umid qila olmasa kerak bu baxsda. Yanayam, bu – APL. “Xall Siti” qilgan ish takrorlanib qolish ehtimoli yo'qmas.

“SA” taxmini: “Sanderlend” 30% - 70 % “Chelsi”

14-tur o'yinlari:

3 dekabr. KRISTAL PELAS : VEST XEM
“SA” taxmini: “Kristal Pelas” 45% - 55% “Vest Xem”

4 dekabr. ARSENAL : XALL SITI
“SA” taxmini: “Arsenal” 70 % - 30 % “Xall Siti”

4 dekabr. LIVERPUL : NORVICH
“SA” taxmini: “Liverpul” 65% - 35% “Norvich”

4 dekabr. MANCHESTER YUNAYTED : EVERTON
“SA” taxmini: “MYU” 55% - 45%“Everton”

4 dekabr. SAUTGEMPTON : ASTON VILLA
“SA” taxmini: “Sautgempton” 60 % –40% “Aston Villa”

4 dekabr. STOK SITI : KARDIFF SITI
“SA” taxmini: “Stok Siti” 50% – 50% “Kardiff”

4 dekabr. SANDERLEND : CHELSI
“SA” taxmini: “Sanderlend” 30% - 70 % “Chelsi”

4 dekabr. SUONSI : NYUKASL
“SA” taxmini: “Suonsi” 45%–55%“Nyukasl”

4 dekabr. VEST BROMVICH : MANCHESTER SITI
“SA” taxmini: “Vest Bromvich” 45%–55%“San.Siti”

Turnir jadvali:

#	Jamoa	O'	YU	D	M	UG - O'G	T-N	Ochk
1	Arsenal	13	10	1	2	27 - 10	17	31
2	Chelsea	13	8	3	2	24 - 11	13	27
3	Manchester City	13	8	1	4	37 - 12	25	25
4	Liverpool	13	7	3	3	25 - 16	9	24
5	Everton	13	6	6	1	21 - 13	8	24
6	Newcastle United	13	7	2	4	19 - 18	1	23
7	Southampton	13	6	4	3	16 - 10	6	22
8	Manchester United	13	6	4	3	22 - 17	5	22
9	Tottenham Hotspur	13	6	3	4	11 - 14	-3	21
10	Hull City	13	5	2	6	12 - 16	-4	17
11	Aston Villa	13	4	4	5	13 - 14	-1	16
12	West Bromwich Albion	13	3	6	4	15 - 16	-1	15
13	Swansea City	13	4	3	6	17 - 19	-2	15
14	Norwich City	13	4	2	7	11 - 23	-12	14
15	West Ham United	13	3	4	6	12 - 14	-2	13
16	Stoke City	13	3	4	6	12 - 18	-6	13
17	Cardiff City	13	3	4	6	11 - 20	-9	13
18	Fulham	13	3	1	9	11 - 24	-13	10
19	Sunderland	13	2	2	9	8 - 24	-16	8
20	Crystal Palace	13	2	1	10	7 - 22	-15	7

Abror QODIROV tayyorladi

APL: 14-tur prevyusi