#	Jamoa	O'yin	G'alaba	Durang	Mag'lubiyat	T-N	Ochko
1	Arsenal	15	11	2	2	30-11	35
2	Liverpul	15	9	3	3	34-18	30
3	Chelsi	15	9	3	3	30-17	30
4	Manchester Siti	15	9	2	4	41-15	29
5	Everton	15	7	7	1	23-14	28
6	Tottenhem	15	8	3	4	15-16	27
7	Nyukasl	15	8	2	5	20-21	26
8	Sautgempton	15	6	5	4	19-14	23
9	Man. Yunayted	15	6	4	5	22-19	22
10	Suonsi Siti	15	5	4	6	21-20	19
11	Aston Villa	15	5	4	6	16-18	19
12	Xall Siti	15	5	3	7	13-19	18
13	Stok Siti	15	4	5	6	15-20	17
14	Norvich Siti	15	5	2	8	14-28	17
15	Vest Bromvich	15	3	6	6	17-21	15
16	Kardiff siti	15	3	5	7	11-22	14
17	Vest Xem	15	3	4	8	13-19	13
18	Fulhem	15	4	1	10	14-26	13
19	Kristal Pelas	15	4	1	10	10-22	13
20	Sanderlend	15	2	2	11	12-30	8

Chempionlik baxsining eng muhim nuqtalaridan biriga aylanishi mumkin bo'lgan bu o'yin, turning eng markaziy uchrashuvi bo'lish bilan birga tur bezagiga ham aylanishi hech gap emas. Biroq APL 16-turidagi etiborli voqealar bu bilan chegaralanib qolmaydi. Hammasi haqida bir boshdan.

“Manchester Siti” - “Arsenal”

Manuel Pellegrini o'zining matematikaga oid bilimlari bilan maqtana olmasligini isbotlab qo'ygan bo'lsada, u agar jamoasi bugun “Arsenal”ga o'z maydonida mag'lub bo'ladigan bo'lsa, Venger shogirdalri bilan oradagi farq to'qqistaga etishini yaxshi biladi. Londonliklar esa bugungi g'alaba barcha taqibchilarga chempionlik uchun asosiy davogar kim ekanini ko'rsatib qo'yish va sovrin tomon katta bir qadam tashlashga barobar bo'lishini anglab turishgani ham tushunarli, albatta.

Ananalar bir kun kelib buzilishi bilan go'zal, degan gap bor. Biroq “Siti”ning o'z uyidagi mag'lubiyatsiz seriyasi bugun nihoyasiga etishiga ishonish qiyin. Bunga bir necha sabablar bor. Avvalo, “Siti” hozir ruxan juda ajoyib holatda. Ular hafta o'rtasida Myunxenga safar qilib, Evropaning amaldagi chempioni bo'lmish “Bavariya”ni mag'lub etib qaytdi. “Arsenal” esa Neapolda ishonchsiz o'yin ko'rsatib, sal qolsa yirik hisobda mag'lub bo'lib, guruhda qolib ketishlari ham mumkin edi. Qutilib qolishdi. Mag'lubiyatdan emas, yirik mag'lubiyatdan.

Undan oldin ham “Everton”ga qarshi juda og'ir kechgan o'yinni o'tkazishlariga to'g'ri kelgandi. Ustiga ustak, manchesterliklar “Arsenal”ga nisbatan bir kun ko'proq dam olish imkoniyatiga ega bo'ldi. Bularning hammasi yakuniy natijaga tasir o'tkazmay qolmasa kerak.

O'yinga bo'lgan qiziqishning yuqori ekanini hisobga olib, quyida bir necha statistik malumotlarni ham keltirib o'tamiz.

“Manchester Siti”ning o'z maydonidagi so'nggi uchrashuvlarda qayd etgan natijalari:

MS : Suonsi 3:0
MS : Tottenxem 6:0
MS : Norvich 7:0
MS : Everton 3:1
MS : MYU 4:1
MS : Xall 2:0
MS : Nyukasl 4:0

“Arsenal”ning safar uchrashuvlarida qayd etgan so'nggi natijalari:

Kardiff : Arsenal 0:3
MYU : Arsenal 1:0
Kristal Peles : Arsenal 0:2
Vest Brom : Arsenal 1:1
Suonsi : Arsenal 1:2
Sanderlend : Arsenal 1:3
Fulxem : Arsenal 1:3

Jamoalarning so'nggi o'zaro o'yinlaridagi natijalar:

MS : Arsenal 1:3
Arsenal : MS 0:2
MS : Arsenal 1:1
Arsenal : MS 0:2
Arsenal : MS 1:0
MS : Arsenal 1:0
Arsenal : MS 0:1
Arsenal : MS 0:0
MS : Arsenal 0:3

Xullas, kichik ustunlik “shaxarliklar” tomonida ekanini takidlashga to'la haqqimiz bor. “Arsenal” muxlislari va Venger jamoasi boshqacha hisoblashi turgan gap. Nima bo'lishini esa vaqt ko'rsatadi. “Sport” kanali esa – yo'q.

“SA” taxmini: “Manchester Siti” 65 % – 35 % “Arsenal”

“Chelsi” – “Kristal Pelas”

Gol o'tkazib yuborish bo'yicha “Chelsi” o'zining so'nggi yillardagi eng “sermahsul” mavsumlaridan birini o'tkazayotganini takidlash kerak. Borgan sari mudofaa chizig'i “ko'k”lar murabbiyi Joze Mourinoni ko'proq havotirga solayotgan ko'rinadi. Masalan u David Luizni qishda hech kimga sotmoqchi emasligini takidalsh bilan birga bir qator himoyachilarni jamoaga jalb etishga urinmoqchi ekani malum qilinmoqda.

“Chelsi” asosan o'z gollrini standart vaziyatlardan o'tkazib yuborayotgani ham etiborli. Shu vaqtgacha ular o'tkazib yuborgan gollarning 40 fioizi burchak to'plari va jarima zarbalari oqibatida yuzaga kelgan. Jozening o'zi ham yaqinda “Bizga sandartdan hatto manikenlar ham gol ura olishadi”, deb aytgandi. O'z gollarining ko'p qismini aynan sandartlar yordamida kiritadigan “Kristal Pelas” uchun imkoniyat bu.

Natijadan Londonliklar havotir olmasalar ham bo'lsa kerak. Har xolda autsayderga qarshi o'yin. Uchrashuvdagi intiriga esa: “Chelsi” gol o'tkazadimi yoki yo'q. “Shudir masala”.

“SA” taxmini: “Chelsi” 70 % - 30 % “Kristal Pelas”

“Nyukasl” – “Sautgempton”

“Nyukasl” so'nggi olti o'yinidan beshtasini yutdi. U “Chelsi”, “Tottenxem” va “Manchester Yunayted”ni mag'lub eta oldi. Alan Pardyu jasoasi kuchli to'rtlikdan o'rin olib, Chempionlar Ligasi yo'llanmasi uchun kurashishini aytib o'tdi. Biroq “Nyukasl” haqiqatdan ham to'rtlikka davogarlik darajasida kuchli ekanini hali isbotlashi kerak.

“Chelsi”ni ular noyabr oyida enggandi. Joze shogirdlari uchun eng yomon kelgan, ketma-ket muammolarga duch kelib turgan vaqtida.“Tottenxem”ga qarshi o'yinda Krulning fantastik seyvlari va London jamoasi hujumchilarining ishonchsiz o'yini ko'p narsani hal qilgandi. “MYU” qanday ahvolda ekanini esa hammangiz yaxshi bilasiz.

Bu so'zlar bilan “zag'izg'onlar” mehnatlarini past baholash niyatida emasman. Shunchaki ular “Big four”dan o'rin egallash uchun hali ko'pchilikka, ko'p narsani isbot qilishlariga to'g'ri kelishini takidlamoqchiman xolos. Ushbu turdagi “Sautgempton”ga qarshi o'yin, aynan mana shunday sinovlardan biri bo'lajak.

“SA” taxmini: “Nyukasl” 55% - 45% “Sanderlend”

“Tottenxem” – “Liverpul”

Brenden Rojers o'z zaxira o'rindig'i uzunmasligidan noliy boshlagan eli hamki, jamoaning eng asosiy futbolchilari safdan chiqa boshlashdi. Avvaliga, muvoffaqiyatli startning eng asosiy sababchisi Daniel Starrij jarohat oldi. O'tgan haftada endi “qizillar” o'zlarining sardori va eng etakchi futbolchisi Stiven Jerrard xizmatlaridan kamida yanvar avvaligacha foydalana olishmasliklari malum bo'ldi. Katta yo'qotish. Uning ustiga, Jordan Xenderson ham jarohat olgani Rojersni siqilish uchun sabablarini ko'paytrib berdi.

Bunday yo'qotishlar “Liverpul”ni unchalik ham ko'p tashvishga solmasligi mumkin edi, agar... Agar jamoa turnir jadvalining ikkinchi yarmidagi biror klubga qarshilik qilishi kerak bo'lganida. Biroq ular (shu joyiga etiborliroq bo'ling) ketma-ket “Tottenxem”, “Chelsi”, “Manchester Siti”ga qarshi o'ynashga majbur. Yana hammasi bilan safarda! Qiziq, Rojers vaziyatdan qanday chiqib ketar ekan?

“SA” taxmini: “Tottenxem” 50% - 50% “Liverpul”

“Aston Villa” – “Manchesetr Yunayted”

“Manchester Yunayted” 1996 yildan buyon “Aston Villa”ning uy o'yingohi hisoblanmish “Villa Park”da mag'lubiyatga uchramaydi. Bu ananani davom ettirish uchun, matiqan, manchesterliklar bu turda eng kamida bir ochko olishlari kerak bo'ladi. So'nggi vaqtdarda “MYU”ning mana shunga o'xshash statistikalari haqida malumot berish urf bo'ldi. Chunki Moyes boshchilik qilayotgan “Yunayted” so'nggi vaqtlarda uzoq davom etib kelayotgan seriyalarni yakunlash bilan mug'ullanib kelyapti. Chempionlar Ligasi doirasidagi o'yinlardagi g'alabalar esa Moyesning muammolar bilan to'lgan bochkasidagi bir qoshiq asaldek tasavvur uyg'otmoqda.

Nima bo'lgan taqdirda ham, shotlandiyalik murabbiy, o'ziga bildirilgan ishonchni qolash uchun bu turda g'alaba qozonishi shart. Biroq bu ishni maydon markazida jarohat olgan Kerriksiz, hujumda kamida bir oy safga qaytmasligi aniq bo'lgan van Persisiz amalga oshirish kerak bo'ladi.

“SA” taxmini: “Aston Villa” 40% – 60% “Manchester Yunayted”

16-tur

14 dekabr, 2013 yil, shanba.

17:45 Manchester Siti - Arsenal
20:00 Kardiff Siti - Vest Bromvich Albion
20:00 Chelsi - Kristal Pelas
20:00 Everton - Fulxem
20:00 Nyukasl Yunayted - Sautgempton
20:00 Vest Xem Yunayted - Sanderlend
22:30 Xall Siti - Stok Siti

15 dekabr, 2013 yil, yakshanba

18:30 Aston Villa - Manchester Yunayted
18:30 Norvich Siti - Suonsi Siti
21:00 Tottenxem Xotspur - Liverpul

16-tur oldidan turnir jadvali

# Jamoa O'yin G'alaba Durang Mag'lubiyat T-N Ochko

1 Arsenal 15 11 2 2 30-11 35

2 Liverpul 15 9 3 3 34-18 30

3 Chelsi 15 9 3 3 30-17 30

4 Manchester Siti 15 9 2 4 41-15 29

5 Everton 15 7 7 1 23-14 28

6 Tottenhem 15 8 3 4 15-16 27

7 Nyukasl 15 8 2 5 20-21 26

8 Sautgempton 15 6 5 4 19-14 23

9 Man. Yunayted 15 6 4 5 22-19 22

10 Suonsi Siti 15 5 4 6 21-20 19

11 Aston Villa 15 5 4 6 16-18 19

12 Xall Siti 15 5 3 7 13-19 18

13 Stok Siti 15 4 5 6 15-20 17

14 Norvich Siti 15 5 2 8 14-28 17

15 Vest Bromvich 15 3 6 6 17-21 15

16 Kardiff siti 15 3 5 7 11-22 14

17 Vest Xem 15 3 4 8 13-19 13

18 Fulhem 15 4 1 10 14-26 13

19 Kristal Pelas 15 4 1 10 10-22 13

20 Sanderlend 15 2 2 11 12-30 8

Abror QODIROV tayyorladi

APL: 16-tur prevyusi