"Aston Villa" – "Manchester Yunayted" 3:1

"Villa Park"

Gollar: 1:0 – 7 Beyli, 2:0 – 11 Din, 2:1 – 45, avtogol Remzi, 3:1 – 49 Remzi.

"Aston Villa" – Martines, Kesh, Mingz, Konsa, Din (Yang, 79), Dendonker (Sanson, 90), Buendia (Ingz, 79), Duglas Luis, Remzi, Uotkins (Kamara, 78), Beyli (Makginn, 70).

"Manchester Yunayted" – De Xea, Diogu Dalot, Lindelef, Martines, Shou (Malasia, 65), Eriksen, Kazemiro, van de Bek (Marsyal, 65), Ronaldu, Reshford, Garnacho (Elanga, 65).

Ogohlantirishlar: Shou (10), Beyli (42), Ronaldu (61), Mingz (61), Diogu Dalot (72), Martines (88).

UCHRASHUV YAKUNLANDI!

90' - Uchrashuv asosiy vaqtiga 6 daqiqa qo'shib berildi.

85' - Marsyal jarima maydonchasi ichida to'pni o'ziga o'nglay olmadi va "Villa" darvozaboni to'pni ilib ketdi.

83' - Erik ten Xagga bu o'yin yoqmayapti, klub bosslariga esa natija. Qishda jamoada qanday o'zgarishlar bo'lar ekan.

76' - MYU hujumga katta etibor qaratmayapti, xuddi mag'lubiyatni tan olgandek harakat qilishmoqda.

67' - Ikkinchi qavatdagi to'p uchun kurashda Emiliano to'pni qaytarib yubordi, ammo u o'ng qo'li bilan Elangaga zarba berib yubordi. Qoida buzilmadi, ammo futbolchiga tibbiy yordam ko'rsatilmoqda.

66' - Malasiya, Marsyal va Elanga maydonga tushdi.

64' - MYU himoyachisi Martines to'p uchun kurashda raqibga qo'polroq o'ynaga ko'rinadi. "Aston Villa" futbolchisi qornini ushlab yotibdi.

60' - Krishtianu va "Aston Villa" himoyachisi kurash tushishni boshlashdi. Hakam Ronalduga sariq kartochka ko'rsatdi.

59' - MYU mag'lubiyatga uchrayapti, ammo zaxiradgi Antoni Marsyal yuzida tabassum.

51' - MYUning kambekiga ishonadiganlar bormi?

49' - GOOOOOOOL! REMSI! "Aston Villa"ning tezkor qarshi hujumi gol bian yakunlandi. Qanotdan erlatib uzatilgan to'pni orqaroqda kelayotgan Remsi MYU darvozasining to'qqizligiga joylab qo'ydi.

46' - Ikkinchi taym boshlandi. Bo'lim boshlanishi bilan Beyli raqib darvozasiga zarba berdi. Bu safar to'p De Xeaning qo'liga borib tushdi.

- Jamoalar maydonga qaytishmoqda.

TANAFFUS

45' - GOOOOOL! Shou hisobni qisqartirdi. Lyuk jamoasi hujumining ikkinchi to'lqinida uzoq masofadan darvozaga zarba berdi, to'p yo'l-yo'lakay "Villa" himoyachisiga tegib, yo'nalishini o'zgartirdi va darvozadan joy oldi.

42' - Krishtianu o'zi sevgan fintlari orqali raqibni dog'da qoldirishga urindi, biroq "Villa" himoyachisi bu fintlar nima bilan yakun topishini bilar ekan. To'pni maydondan tashqariga chiqarib yubordi.

36' - O'zgarish bo'ladi shekilli. Maguayr o'yin formasini kiyishni boshladi. Garri MYUni qutqaradimi?

34' - Zarbaaa... Garnacho raqiblarini chayqatib, darvozaga zarba berdi, Martines seyv ijro etdi.

33' - "Aston Villa" futbolchisi MYU jarima maydonchasi ichida yiqildi. Biroq hakam fol haqida ishora qilmadi. MYU foydasiga erkin zarba belgiladi.

22' - MYU xuddi dangasalar jamoasidek ko'rinyapti. Futbolchilar yugurishni xohlashmayapti, pressingdan darak yo'q. Grand jamoalar autsayderga qarshi shunday o'ynaydimi?

20' - Bir daqiqada amalga oshirilgan ikkita uzatma MYUga foyda bermadi. "Aston Villa" posboni darvozasini tashlab, ikkinchi qavatda hech kimga imkon qoldirmayapti.

18' - Garnachoning chap qanotdan uzatmasi darvozabon qo'liga borib tushdi.

14' - MYU ikkita goldan so'ng biroz "mandraj" bo'lyapti, jamoa o'ziga kelib olmaasa hisob yirik ko'rinishga keladi.

11' - GOOOOOOOL!!! Mana senga olam-olam gul! Lyuka Din jarima zarbasi orqali David De Xeaga salom yo'lladi. Ispanyalik posbon to'pni qaytara olmadi. 2:0!

10' - Standart vaziyat. Mezbonlar raqib jarima maydonchasi yonginasida yana bir gol urish uchun imkonyatga ega bo'lishdi.

8' - GOOOOL! "ASTON VILLA" HISOBNI OCHDI! Leon Beyli ilk daqiqalardan jamoasini hisobda oldinga olib chiqdi. Uchburchak uslubdagi paslardan so'ng Beyli jarima maydonchasiga yorib kirdi, yonida Martines yugurayotgan bo'lishiga qaramay chap oyog'i bilan zarba berdi va De Xeani mag'lub etdi.

2' - Ilk daqiqalardan MYU futbolchilari faollik ko'rsatishyapti, biroq bu faollik uzoq davom etarmikan?

1' - O'yin boshlandi.

- Jamoalar maydonga chiqib kelishdi.

"Aston Villa": Martines, Kesh, Mingz, Konsa, Din, Dendonker, Buendia, Duglas Luis, Remzi, Uotkins, Beyli.

"Manchester Yunayted": De Xea, Diogu Dalot, Lindelef, Martines, Shou, Eriksen, Kazemiro, van de Bek, Ronaldu, Reshford, Garnacho.

APL. Unai Emeri "Aston Villa"dagi debyut o'yinida "Manchester Yunayted"ni mag'lubiyatga uchratdi