Uchrashuvni Abduqodir Husanov asosiy tarkibda boshlaydi.

"Brayton" - "Manchester Siti" 2:1
Gollar: Xoland (34, 0:1), Milner (67-pen, 1:1), Gruda (89, 2:1).
"Brayton": Verbryuggen, de Keyper, Dank, van Xekke, Veltman, Baleba (Milner, 60), Xinshelvud (Ayyari, 61), Mitoma, Gomes (Gruda, 61), Minte, Uelbek (Ryutter, 61).
Zaxiradagilar: Stil, Boskali, Koppola, Kadyoglu, O'Rayli.
"Manchester Siti": Trafford, Ait-Nuri, Stounz, Husanov (Diash, 85), Nunesh (Lyuis, 84), Reynders, Rodri, Silva (O'Rayli, 72), Bobb, Marmush (Doku, 72), Xoland.
Zaxiradagilar: Ederson, Akanji, Ake, Gonsales, Gyundogan.
Ogohlantirish: van Xekke (16), Husanov (63), Ayt-Nuri (69).

YANGILASH

Uchrashuv yakunlandi. Husanov zo'r o'ynagan, "Siti" juda yomon o'ynagan o'yin yakunlandi. "Siti" mavsumdagi ikkinchi mag'lubiyatini qabul qilib oldi.

90+8. Reyndersning zarbasi noaniq ketdi.

90+6. Xolandning zarbasi noaniq ketdi. Ikkinchi tempda Rodrining uzatmasidan keyin Reyndersning zarbasi ham noaniq ketdi.

Pep davrida shunaqasi bo'lganmikin, "Siti" mavsumdagi dastlabki uch turning ikkitasida mag'lub bo'lmoqda.

Ikkinchi bo'limda "Brayton" huddi Chempionship jamoasiga qarshi o'ynagandek juda erkin o'ynadi. Gap yo'q. "Siti" uchun chaqilmas yong'oq bo'lib qoldi bu jamoa.

Bugun Ait-Nuri juda yomon o'ynadi. Juda-juda yomon.

O'yinga 7 daqiqa qo'shildi.

89. GOL! Markaziy himoyadagi qo'pol xatodan keyin Gruda gol urdi.

88. TRAFFORDDDD!! Superseyv ko'rdik. Van Xekkening zarbasidan keyin Trafford to'pni qaytardi.

87. "Brayton" standartga ega bo'ldi. Uzatilgan to'p anchagina noaniq ketdi.

85. Jarohat olgan Husanov o'rniga Diash, Nunesh o'rniga Lyuis maydonga tushdi. Bugun Husanov zo'r o'yin o'tkazdi.

83. Grudaning zarbasini Trafford ushlab oldi. Bu paytda Abduqodir Husanov jarohat olib, maydonda tibbiy yordam olmoqda.

81. Ryutterning zarbasini Trafford ushlab oldi. "Brayton" golga yaqin kelmoqda.

81. Oskar Bobb nihoyat pas berdi. Lekin uning pasi juda noaniq bo'ldi. Hayronman u hali ham maydonda.

79. Gruda endi Ayt-Nuriga qarshi qo'pol o'ynadi va fol ishlatishga majbur bo'ldi.

76. Oskar Bobb yana "qizg'anchiq" uslubida raqib jarima maydonchasiga kirib bordi va pas bermadi, to'pni yo'qotdi.

Aytgancha, Ayt-Nurining balli 6,0ga tushib ketdi, Husanovning balli esa 6,6 gacha ko'tarildi. Bungacha ikkalasining balli 6,4 edi.

74. Husanov bilan to'p uchun kurashda "Brayton" futbolchisi Gruda yiqildi. Hakam penalti yo'qligini bildirdi.

71. MINTEEE!!! UXXXX!! Bugun u Papayni ismalog'ini eb tushganmi deyman. Ikki raqibini ko'rmasdan o'tib ketdi va zarba yo'lladi. Noaniq.

69. Ayt-Nuriga sariq. Raqibini to'xtatdi.

67. GOL! Milner penaltidan unumli foydalandi.

66. VAR penalti borligini tasdiqladi.

65. Penalti! Nunesh to'pni qo'li bilan o'ynadi... "Brayton" foydasiga penalti ko'ramiz.

63. Husanov ogohlantirildi. U raqibiga qarshi qo'pol o'ynadi.

62. ZARBAAAAAA!!! "Brayton" hisobni tenglashtirishi mumkin bo'lgandi. Mintening zarbasini Trafford qaytardi.

60. UXXXXX!! Abduqodir Husanov raqibidan to'pni olib qo'ydi va sherigiga oshirdi. "Siti" tezkor hujumga o'tib ketdi. Marmushning pasidan keyin Bobb bo'sh qolgan darvozani ishg'ol qila olmadi.

58. Oskar Bobb juda qizg'anchiqlik qilmoqda. Juda qulay nuqtaga kelganda ham zarba yoki pas bermay to'pni yo'qotdi. Bu ikkinchisi.

55. "Brayton" hozir gol urdi. Qoyil! Husanovning tezligini qarang, raqibidan 2 metr "fora" bilan o'tib ketdi. Gomes esa fol ishlatdi va hushtak chalindi.

54. Jarima xavfli ko'rinish oldi. Uzatilgan to'pni Veltman ko'kragi bilan darvozaga to'g'rilashga harakat qildi. To'p darvoza yonidan o'tib ketdi.

53. Bernardu o'z jarima maydonchasi yaqinida fol ishlatdi. Jarima zarbasi.

50. Oskar Bobb raqib jarima maydonchasi ichiga kirdi va zarbani paysalga soldi. Natijada to'pni himoyachilar ilib ketdi.

46. Ikkinchi bo'lim boshlandi.

- Jamoalar ikkinchi bo'limni boshlash uchun maydonga tushib kelishmoqda.

Tanaffus!

45+3. Ayt-Nurining qo'pol xatosidan keyin Minte to'pni egallab oldi va pas berar nuqtasida Husanov to'pga tegdi, natijada Minte ilk nuqtada pas bera olmadi, ikkinchisida noaniq pas uzatdi.

45+2. Husanov hududidan raqiblari hujumga o'tmoqchi bo'ldi. Abduqodir himoyada ishonchli o'ynadi.

Birinchi bo'limga 3 daqiqa qo'shildi.

43. "Siti" hujumga o'tdi. "Brayton" posbonining xatosidan keyin Ayt-Nuri qanotda to'pni egallab oldi va markazga oshirdi. Birinchi to'lqinni himoyachilar qaytarishdi, ikkinchisida esa Rodri juda kuchli zarba yo'lladi. To'p stadiondan chiqib ketadigan darajada balandda ketdi.

40. "Brayton"ning hujumini Ayt-Nuri to'xtatdi. U qanotdan uzatilgan diagonal pasni qaytarib qoldi. Keyinchalik mezbonlar Rodriga qarshi fol ishlatdi.

38. "Brayton" hujumga o'tishga harakat qilmoqda.

34. GOOOOOOOOOLLLLL!! Marmushning faol harakatlaridan keyin Xoland darvozani ishg'ol qildi!

31. "Brayton" hujumga o'tdi. Chap qanotdan uzatilgan to'pni Minte to'xtata olmadi. To'pni Husanov ilib ketdi va xavfni yumshatdi.

29. "Siti" ilk marotaba burchak zarbasiga ega bo'ldi. Uzatilgan to'p van Xekkening boshiga tekkan holda Marmushga bordi. Omarning zarbasi anchagina noaniq ketdi.

26. ZARBAAAAAAAA!! Xoland 15 soniya ichida ikki marta xavfli zarba yo'lladi. Birinchi zarbani darvozabon qiyinchilik bilan qaytargan bo'lsa, ikkinchisi noaniq ketdi.

24. UXXXXX!! "Siti" chiroyli kombinacion hujum uyushtirdi. Xolandning zarbasi biroz noaniq ketdi.

22. "Brayton" yana bir hujum uyushtirdi. Mezbonlarning hujumini Husanov to'xtatdi.

20. "Brayton" burchak zarbasiga ega bo'ldi. Undan uzatilgan to'pni Ayt-Nuri qaytarib yubordi.

19. ZARBAAAAAAAA!! Mitomaning kuchli zarbasini Trafford qaytardi. "Siti" himoyasi ofsayd yuzaga keltirishda qo'pol xato qildi.

16. Van Xekke ogohlantirildi. U bir yo'la Xoland va Reyndersga qarshi qo'pol o'ynadi.

12. "Brayton" ustunlikni qo'liga olishga harakat qilmoqda.

9. Uchrashuvdagi ilk xavfli zarba. Xoland yaxshi vaziyatga chiqib bordi va zarba berdi. Kuchsiz, darvozabon to'pni osonlik bilan ushlab oldi.

7. Gomes jarohat oldi. U katta ehtimol almashtiriladi.

5. Reyndersning hozirgi o'yini kartochkaga tortishi kerak. U raqibining to'pig'ini bosib oldi.

4. Husanov o'yinni yaxshi podkat bilan boshladi. Tezlikda raqibi o'tib ketishiga yo'l qo'ymadi va to'pga tashlanib, to'pni autga chiqarib yubordi.

3. "Siti" o'ng qanotdan hujumga o'tayotgandi. Raqiblar to'pni autga chiqarib yuborishdi.

1. UCHRASHUV BOSHLANDI!

- Assalomu alaykum, hurmatli futbol ishqibozlari! Etiboringizni "Ameks" stadioniga qaratamiz. Bugun bu stadionda Abduqodir Husanov asosiy tarkibda "Brayton"dan 3 ochkoni olib ketish uchun o'ynaydi.

APL. "Manchester Siti" mavsumda ikkinchi marta mag'lub bo'ldi, Husanov 85 daqiqa o'ynadi