Бугун бизни олдинда икки учрашув кутмоқда. Булар - “Лестер” – “Брайтон”, “Тоттенхэм” – “Вест Хэм”.

23.06 22:00 (Тошкент вақти) “Лестер” – ”Брайтон”

"Лестер" ўтган турда "Уотфорд" билан дуранг ўйнади - 1:1. Эндиликда "тулкилар" "Челси"дан 3 очко олдинда боришмоқда ва 3-ўринга жойлашишган.

"Брайтон" ҳам "Арсенал"ни мағлуб этди (2:1) ва олдинга катта қадам ташлади. Жамоа Премьер-лигадаги ўрнини сақлаб қолиши тобора ойдинлашиб боряпти ва улар 15-ўринни эгаллаб туришибди.

"Брайтон" бу мавсум меҳмондаги ўйинлардан фақат 2 тасида ғалаба қозона олган, холос. "Брайтон” "Лестер"га қилинган сўнгги 2 сафар учрашувида мағлубиятга учраган.

Таркиблар бўйича

"Лестер"да Рикардо Перейра октябрга қадар сафдан чиққан, ўнг қанот ҳимоясида Жеймс Жастин мавсум охиригача ўзини кўрсатиш имкониятига эга.

"Уотфорд"га қарши баҳсда Айозе Переснинг ўрни билинди ва у бугун Марк Олбрайтоннинг ўрнига асосий таркибда майдонга тушиши мумкин.

Ўтган турда захирадан ўйинга тушган Демарай Грей Харви Барнсга рақобат туғдиришга уриниб кўради.

Деннис Пратда кичик жароҳат кузатилгани боис жамоасига ёрдам бера олмаслиги эҳтимоли бор.

"Брайтон" бош мураббийи Грэм Поттерда ортиқча муаммо йўқ. Бугун ротацияга қўл урилиши ва "Арсенал"га қарши ўйнмаганлар яшил майдонда кўриниш беришлари мумкин.

Масалан, бугунга баҳсда ҳимоячи Мартин Монтойя ва ярим ҳимоячи Солли Марч иштирок этиши кутилмоқда.

Ўзаро ўйинлардаги натижалар

Жами ўйинлар сони	“Лестер” ғалабаси	Энг йирик ютуғи	“Брайтон” ғалабаси	Энг йирик ютуғи	Дуранг
33 та	15 (45%)	4:1	12 (36%)	4:1	6 (18%)

Ўйинга оид фактлар:

- "Брайтон" сўнгги 3 сафар учрашувида дуранг ўйнаган (Премьер-лига).
- "Лестер"нинг охирги 6 уй ўйинида 2 тадан кўп гол урилган (Премьер-лига).
- "Лестер" "Брайтон"га қарши сўнгги 5 ўйинда ютқазмаган (барча мусобақалар).

Тахминий таркиблар

"Лестер” (4-1-4-1): Шмейхель - Жастин, Эванс, Сёюнжю, Чилуэлл - Ндиди - Перес, Мэддисон, Тилеманс, Барнс - Варди
"Брайтон” (4-3-3): Райан - Монтойя, Уэбстер, Данк, Бёрн - Муй, Прёппер, Биссума - Марч, Мопе, Троссард

Жамоаларнинг жароҳатланган футболчилари: Перейра, Амарти ("Лестер"), Искьердо ("Брайтон")

Сўроқ остида: Пратт ("Лестер"), Альсате ("Брайтон")

24.06 00:15 (Тошкент вақти) “Тоттенхэм” – “Вест Хэм"

"Тоттенхэм" ўтган турда МЮ билан дуранг ўйнади - 1:1. "Тоттенхэм" 7 ўйиндан буён ғалаба нималигини билмай келмоқда.

"Вест Хэм" ўтган турда ўз майдонида "Вулверхэмптон"га енгилди - 0:2. Жамоа "Тоттенхэм" майдонига қилган сўнгги 3 ташрифида фақат мағлубият қайд этган.

"Тоттенхэм" 8-ўринда бораётган бўлса, "Вест Хэм" 17-ўринда ва Чемпионшипга тушиб кетиш хавфи остида турибди.

Таркиблар бўйича

“Тоттенхэм”нинг асосий ўйинчиси Деле Алли дисквалификациядан кейин қайтди ва майдонга тушиш эҳтимоли юқори ва у марказга Кейннинг ортига жойлашади.

Жароҳат туфайли МЮга қарши баҳсни ўтказиб юборган Лукас Моуранинг ҳолати номаълум.

Хуан Фойт, Жафет Танганга ва Трой Парротт ўйинни аниқ ўтказиб юборади.

"Вест Хэм"да Масуаку, Забалета, Огбонна ва Алле жароҳатланганлар рўйхатини ташкил этишади.

Роберт Снодграсснинг белидаги жароҳати таҳлил этилади ва майдонга тушиш-тушмаслиги бўйича бир қарорга келинади.

Ўзаро ўйинлардаги натижалар

Жами ўйинлар сони	“Тоттенхэм” ғалабаси	Энг йирик ютуғи	“Вест Хэм” ғалабаси	Энг йирик ютуғи	Дуранг
154 та	66 (43%)	5:0, 6:1	51 (33%)	4:0	37 (24%)

Ўйинга оид фактлар:

- "Вест Хэм" охирги 6 сафар ўйинида ютқазган (Премьер-лига).
- "Тоттенхэм" сўнгги 5 ўйинида ғалаба қозонмаган (барча мусобақалар).
- "Тоттенхэм" сўнгги 5 уй ўйинидан 1 тасида ютган (барча мусобақалар).

Тахминий таркиблар

"Тоттенхэм” (4-2-31): Льорис - Орье, Санчес, Алдервейрелд, Дэвис - Сиссоко, Уинкс - Бергвейн, Алли, Сон - Кейн
"Вест Хэм” (4-1-4-1): Фабиански - Фредерикс, Дьоп, Бальбуэна, Крессуэлл - Райс - Боуэн, Нобл, Соучек, Ярмоленко - Антонио

Жамоаларнинг жароҳатланган футболчилари: Фойт, Танганга, Парротт ("Тоттенхэм"), Огбонна, Масуаку, Забалета, Алле ("Вест Хэм")

Сўроқ остида: Парротт “Тоттенхэм”), Снодграсс ("Вест Хэм")

Турнир жадвали

Шерзод Нурматов тайёрлади.

АПЛ. Бугунги икки ўйин учун превью