APL ettinchi turidan o'rin olgan "Tottenxem" – "Liverpul" (2:1) uchrashuvida hakamlar birinchi planga chiqishdi. 34-daqiqada Luis Dias tomonidan kiritilgan gol aslida mavjud bo'lmagan ofsayd sabab bekor qilindi. Uchrashuvdan so'ng, ushbu vaziyat katta shov-shuvga sabab bo'ldi. Shundan so'ng, APL matbuot xizmati hakamlarning o'sha vaziyatda VAR orqali qilgan suhbatini to'liqligicha taqdim qildi. Malum bo'lishicha, ushbu golning bekor qilinishiga VAR hakamlari va maydondagi hakamlar o'rtasidagi tushunmovchilik sabab bo'lgan. Videotakror bo'yicha assistent Darren Inglend maydonda kiritilgan golni hakam inobatga oldi deb o'ylagan. Ofsayd yo'qligini aniqlagan Darren Inglend hakamga tekshiruv tugagani va hammasi joyida ekanligini aytgan. Bosh hakam esa bu so'zlarni o'z qaroriga (ofsayd) nisbatan aytildi, deb tushungan. Aslida esa Darren Inglend gol toza kiritilganini nazarda tutgan. Quyida ushbu audiosuhbatni taqdim etamiz.

Takroriy vaziyat operatori: Bu rakursdan yaxshiroq bo'ladi. Rakurs seni qoniqtiradimi?

VAR: Ha.

Takroriy vaziyat operatori: Butsadan chiziq tortaymi?

VAR: Butsadan chiziq tortilsin. Va... to'xta. Tekshiruv tugadi, tekshiruv tugadi. Hammasi yaxshi, alo darajada.

Hakam yordamchisi 1: O'ynaymiz.

Bosh hakam: Rahmat, yigitlar.

VAR: Rahmat, erkak.

Bosh hakam: Ajoyib ish, yigitlar. Hammasi zo'r.

Takroriy vaziyat operatori: Stop-stop-stop-stop. Maydondagi qaror ofsayd bo'ldi. Aminmisan?

AVAR: Ha.

Takroriy vaziyat operatori: Aminmisan?

AVAR: Ofsayd, gol, ha. Bu xato, Daz.

VAR: Nima?

Takroriy vaziyat operatori: Maydonda ofsayd deb topildi. Tasvirdan mamnunmisan?

VAR: ....

Takroriy vaziyat operatori: Ha, o'yinchi to'g'ri holatda. Biz uzatgan tasvirda u ofsaydda emasdi. U to'g'ri holatda edi.

VAR: Jin ursin! Ox...

Takroriy vaziyat operatori: Pauza, pauza. Oli (PGMOL operatori) o'yinni to'xtatishni so'ramoqda, Oli o'yinni to'xtatishni so'ramoqda.

VAR: Tushunmadim?

Takroriy vaziyat operatori: Oli o'yinni to'xtatish kerak demoqda. Maydonda ofsayd deb topildi.

VAR: Hech narsa qila olmayman.

Takroriy vaziyat operatori: Oli o'yinni to'xtatish kerak deyapti, Oli o'yinni to'xtatish kerak deyapti. O'yinni to'xtatish.

VAR: O'yin davom etmoqda. Men hech narsa qila olmayman.

APL "Liverpul"ning nohaq bekor qilingan shov-shuvli goli paytidagi hakamlar audiosuhbatini elon qildi (to'liq suhbat)