Манбага кўра, клубда коронавирус билан боғлиқ ҳолатлар кескин ортгани туфайли машғулот базаси ёпиб қўйилди. Жамоа Англия Кубоги 1/32 босқичи доирасида 8 январ куни “Ливерпуль”га қарши ўйнаши керак эди.

“Астон Вилла” берган баёнот бўйича, COVID-19 учун топширилган илк тест натижаларидан сўнг, футболчилар ва клуб ходимлари орасида вирусни кўпчилик юқтиргани маълум бўлди. Уларни изоляцияга олишди. Иккинчи синовдан сўнг эса янги ҳолатлар аниқланди.

Клуб шифокорлар, Англия футбол ассоциацияси ва АПЛ вакиллари билан мунтазам алоқада.

Бирменгемликлар чемпионат 17-туридан кейин 26 очко тўплаган ҳолда 8-ўринда бормоқда. Қайд этиш жоиз, жамоа ҳисобида 2 та захира ўйини ҳам бор.

АПЛ клуби базаси коронавирус туфайли ёпилди