Uchrashuvning 12-daqiqasidayoq “shaharliklar” posboni Ederson qizil kartochka olib maydondan chetlatilgan bo'lishiga qaramay, Rahim Sterling hisobni ochdi. Uning ikki bor penaltidan yo'llagan zarbasini raqib posboni qaytargan bo'lsada, takrori zarbada Rahim qiyinchilikchsiz gol urishning uddasidan chiqdi.

Ikkinchi bo'lim boshida Sterling raqib posboni bilan birga bir vaziyatga chiqib bordi va to'pni uning ustidan oshirib to'rga yo'lladi -0:2.

Raqibdan bir kishi ko'p bo'lib harakatlanayotgan mezbonlar oradagi farq ikkitaga etgan bo'lsada, uch ochko uchun bor kuchlari bilan harakat qilishdi. Natijada Adama Traore, Raul Ximenes va Mett Doerti Klaudio Bravo qo'riqlayotgan darvozaga gol kiritib, “Vulverxempion”ning irodali g'alabasini taminlashdi.

Angliya chempionati, 19- tur

Vulverxempton – Manchester Siti 3:2 (0:1, 3:1)

Gollar: 0:1 – 25 Sterling, 0:2 – 50 Sterling, 1:2 – 55 Traore, 2:2 – 82 Ximenes, 3:2 – 89 Doerti.

Vulverxempton – Ruy Patrisiu, Kastro (Ruben Vinagre, 73), Doerti, Koudi, Moutinyu, Dendonker, Ruben Nevesh, Saiss, Traore, Diogu Jota (Netu, 79), Ximenes (Bennett, 90).

Manchester Siti – Ederson, Otamendi, Uoker, Mendi, Fernandino, Rodri Ernandes, Bernardu Silva, Marez (Erik Garsiya, 46), de Bryuyne (Gyundogan, 67), Sterling, Aguero (Bravo, 14).

Ogohlantirish: Otamendi (60).

Chetlatish: Ederson (12).

APL. “Man Siti” “boksing dey”ni mag'lubiyat bilan boshladi