"Chuqur himoyalanadigan va uzun paslar bilan o'ynaydigan jamoaga qarshi o'ynash doimo qiyin bo'lib ketgan. Agarda ilk daqiqalardanoq gol o'tkazib yuborsangiz-u, bir futbolchingiz maydonda yotgan bo'lsa, barchasi qiyinlashib ketadi.
O'yin oldidan biz chuqur himoyalanidigan jamoaga qarshi shuncha vaziyat yaratishimizni aytishganida, mag'lub bo'lmaymiz deya olardim. Biroq biz yutqazdik.
Bizda bittadan ko'proq gol urish uchun etarlicha vaziyatlar bo'ldi. Boshqa tomondan olib qarasak, biz standartlan keyin bitta gol qo'yib yubordik.
"Kristal Pelas" bilan o'yindagi kabi biz standart vaziyatdan keyin gol o'tkazdik, buni qabul qilish qiyin. Chunki zamonaviy futbolda gol urishdan ko'ra standartdan ko'proq gol qo'yib yuborilsa, g'alaba qozonish qiyin bo'ladi", - dedi Slot.

Arne Slot: "Chuqur himoyalanadigan jamoaga qarshi o'ynash doimo qiyin"