“Ўйлашимча, ўйинни яхши бошлай олмадик ва ўз хатоларимиз эвазига голлар ўтказиб юбордик. Шунга қарамай ўйинга қайтишимиз лозим эди ва кўплаб имкониятларга эга бўлдик. Аъло даражада ўйин кўрсатдик, аммо ҳаммасини эпизодлар ҳал қилди.

Ўйин бошида икки тўп фарқи билан ортда қолишимиз биз учун психологик зарба бўлди. Албатта, бундай ўйин кўрсатиш ярамайди. Албатта биз вазиятларни голга айлантира олмаганимиз мен учун жумбоқ, лекин Де Хеа шубҳасиз учрашувнинг энг яхши футболчисига айланди. Рақиб посбони ажойиб ўйин кўрсатди. Керакли вазиятлардан самарали фойдаланишда оқсадик ва ўзимизни ўзимиз оғир вазиятга тушириб қўйдик.

Ҳакамлар ҳақида? Улар ҳақида бошқа гапиришни истамайман.Мен футболчиларимнинг майдонда борларини бериб ўйнаганларидан фахрланаман. Аммо афсуски, шунча ҳаракат билан якунда очко қўлга кирита олмадик”, дейди Венгер.

Арсен Венгер: “Яхши ўйин кўрсатдик, аммо натижага эриша олмадик”