Myunxen klubi braziliyalik futbolchini sotib olish variantidan foydalanmagandan so'ng, futbolchi kelgusi mavsumni qayerda o'tkazishini bilmaydi, deb xabar berdi Mundo Deportivo.

Koutino Angliya chempionatiga qaytishni afzal ko'radi, eng ko'p taklif "Chelsi" va "Nyukasl"dan kelib tushmoqda.

Endilikda "Arsenal" ham bu kurashga qo'shildi. Koutino murabbiy Mikel Artetaning xohishlariga juda mos keladi. Muzokaralarni "Barsa"ning sobiq sport direktori, hozir London klubida xuddi shu lavozimda ishlayotgan Raul Sanlei olib borishi kutilyapti.

Shuningdek, futbolchiga "Manchester Yunayted" va "Lester" ham qiziqish bildirmoqda. "Barsa" Koutinoni sotishga tayyor, ammo 100 millon evrodan kamga emas. Braziliyalikning "Barselona"da qolish ehtimoli ham yo'q emas.

"Arsenal" Koutino uchun kurashga qo'shildi