Ўйиндан олдин манкунианлар устози Жозе Моуриньо иштирокида матбуот-анжумани бўлиб ўтди.

Жамоадаги янгиликлар

- Матич? У ўйнайдими, йўқми, билмайман. У жамоа билан бирга Лондонга йўл олади ва баҳсга тайёр бўлади деб умид қиламан, аммо кафолат бера олмайман. Фил Жонс жароҳатини даволаб бўлгани йўқ, Эрик Байи ҳам шундай.

ЦСКАга қарши баҳсдан олдин ротация

- Хатто Чемпионлар лигасининг навбатдаги баҳсда ғалаба керак бўлганида ҳам "Арсенал"га қарши кучли таркибни майдонга туширган бўлардим. Барча бошқа учрашувлар ҳақида унутиб, биз учун ҳозир муҳим бўлгани борасида ўйлашим керак. У қийин бўлади, шу сабабли бор эътиборимизни ушбу баҳсга қаратишимиз шарт.

"Юнайтед" - "Арсенал" тўқнашувларини эслаб

- Йирик учрашувларни эслайман, аммо аниқ бирортасини айтиб бера олмайман. Англияга келишимдан олдин 2004 йилда "Манчестер Юнайтед" ҳамда "Арсенал" ўртасидаги учрашувда соврин масаласи ҳал бўлганини эслайман.

Таваккал нима?

- "Арсенал"га қарши баҳсда таваккал? Бу, сиз "таваккал" сўзини қандай тушунишингизга боғлиқ. Қачонлардир футболчиларни "ҳимоячи" ва "ҳужумчи"ларга ажратган инсон хато қилган, чунки замонавий футболда бутун жамоа ҳимояланиши ва ҳужум қилиши керак. Шундай экан, сиз хоҳлаганча фикр билдириб, истаганингизча таҳлил қилишингиз мумкин.

"Юнайтед" "Арсенал"га қарши прагматик ўйин кўрсатадими?

- Тўп бизда бўлса, жамоамизнинг барча футболчиси ҳужум қилади. Хатто дарвозабон ҳам тўп бизда бўлганида қандай ҳаракат қилишни билиши керак. Тўп "Арсенал"да бўлса, 11 киши бўлиб ҳимояланамиз.

Соврин учун курашдан келиб чиқсак, бугунги ўйинда ғалаба муҳимми?

- Мен ҳар доим навбатдаги учрашув ҳақида ўйлайман ва менимча, бу тўғри ёндошув. Кеча қизиқарли фильм кўрдим - "Борг/Макинрой". Боргнинг мураббийи доимо унга шуни қайтарарди. "Бир очко фақат бир марта бўлади, фақат кейинги очко ҳақида ўйла". Мен доимо ўз футболчиларимга кейинги баҳс ҳақида ўйлашни айтаман.

"Арсенал" - "Манчестер Юнайтед". Моуриньо иштирокидаги матбуот-анжумани