"Bu mavsum hammamiz "Arsenal" muhlisiga aylanishimiz zarurga o'xshaydi", - deb yozdi Daily Mail xodimi, Jeymi Karrager ("Liverpul"ning sobiq sardori).

Darhaqiqat, "Arsenal" mavsumni ko'tarinki ruhda boshladi.

Borgan sari jamoaning ishonchli o'yiniga ham o'rganmoqdamiz.

Lekin...

“Arsenal” chempion bo'lmasligining 5 ta sababi:

1. Bunday startga taqvimning omadli kelgani sabab xolos.

“Bugungi kunda jamoa salohiyatining 80%ni sarflab “premer-liga”da hech bir jamoani yuta olmaydi”, - degan fikrlarni bildirdi Arsen Venger. Shunday bo'lsa ham, chempionat baxslarida bugungi kungacha qarshilik qilgan jamoalarni “Arsenal” yutishi kutilgandi. Misol uchun o'tgan mavsumda shunga o'xshash 7 baxsda 21 ochko to'plangan.

Xa, ichki chempionatdagi qulay kalendarni Chempionlar Ligasida klub “o'lim guruhi”ga tushgani to'ldirib turgandek. Hozirgi kungacha kuchli raqiblarning hech biriga qarshi bahs olib borgani yo'q desak ham bo'lmaydi. Raqiblar ichida ko'plab yangi futbolchilar xarid qilgan, lekin ochig'ini aytsak, hali jamoaviy o'yinni topib ulgurmagan “Tottenxem” va “Napoli”ni ajratib ko'rsatish mumkin. Shubhasiz asosiy imtihonlar hali oldinda.

Qarshi fikr: Har bir raqib ham “Arsenal” bilan o'yinga yuqori kayfiyatda etib kelgandi.

Har bir, faqatgina, “Sanderlend”ni inobatga olmasak. Aynan dastlabki uch turda “Aston Villa” o'zining eng yaxshi o'yinini namoyish etayotgandi. “Fulxem” jamoasi xam “Arsenal”ga qarshi o'yinga g'alaba qozongan xolda etib kelgandi. “Tottenxem” derbiga qadar 100% natija qayd etgandi.

“Suonsi” “to'pchilar” bilan bo'lib o'tadigan o'yindan avval “Valensiya”ni mag'lub etgan va bu raqibga qarshi uchrashuvdagi o'yin klub tarixidagi eng yaxshi o'yinni namoyish etgani takidlangandi. Ichki chempionatning 3 turidan so'ng jamoa 7 ochkoga ega edi. Navbatdagi raqib “Vest Bromvich” esa Sessenon va Amalfitanoning harididan so'ng umuman boshqacha o'yin namoyish etayotgan va “Emireyts”ga “Old Trafford”dagi g'alabadan so'ng tashrif buyurayotgandi.

2. Kuchsiz himoya

Kris Anderson va Devid Sallining The Numbers Game: Why Everything You Know About Football kitobi uchun o'tkazgan tadqiqotlari shuni ko'rsatdiki, 40% vaziyatlarda eng kam gol o'tkazib yuborgan jamoa oxir-oqibat g'olib bo'lgan.

7-turdan keyinoq shuni aytish mumkinki, bu jamoa(eng kam gol o'tkazgan) “Arsenal” bo'lmaydi. “Kanonir”lar premer-liganing 7 uchrashuvida 8 ta gol o'tkazib yuborganlar va faqatgina bir o'yinda o'z darvozalari daxlsizligini saqlab qolgan.

O'tgan mavsumda “Manchester Yunayted” chempionat tarixida xar o'yinda o'rtacha 1 tadan ko'p gol o'tkazib yuborib ham g'olib bo'la olgan birinchi jamoa bo'lidi. Buning uchun manchesterliklar barcha raqiblaridan kamida 10 tadan ko'p gol urishi zarur bo'ldi.

“Arsenal” o'tgan mavsumdagi “MYU” kabi o'rtacha bir o'yinda (1,14 gol) o'tkazib yubormoqda, lekin hozircha “to'pchilar” “qizil iblislar” kabi samaradorlik bilan maqtana olishmaydi.

Qarshi fikr: “Arsenal” futbolchilari alohida vaziyatlarda kamroq xatoga yo'l qo'ymoqdalar va borgan sari o'yin sifatini oshirishga erishmoqdalar.

O'tgan mavsumda “Arsenal” qolganlarga nisbatan individual xatolar tufayli eng ko'p gol o'tkazib yuborgan jamoa bo'ldi (14 gol).

Statistik malumotlarga qaramay, ko'pchilikda “Arsenal” o'yini avvalgiga nisbatan ishonchliroq bo'lgandek tuyulishi tabiiy. Xususan Karrager yaqinda “to'pchilar”ning yutuqlarida ko'rinmas sababchilari deb atadi.

Shuningdek, o'zi uchun eng qiyin uchrashuvlarda “Arsenal” nafaqat gol o'tkazib yubormay g'alabaga erishdi, balki “Tottenxem” va “Napoli”ga vaziyat yaratishga umuman imkon qoldirmadi.

3. Zaxira uzunligi

Nacho Monreal, chap qanot himosiga eng yaqin zaxirachi, markaziy himoyachi roliga ko'nikayotgan - Bakari Sanya, asosiy tarkibdan joy egallash uchun navbatdagi imkoniyatga ega bo'lgan - Niklas Bendtner. Bu shunchaki qisqa zaxiraning oddiy bir misoli.

Faqatgina 3 ta chiziq: darvozabon, chap qanot himoyasi va markaziy yarimhimoyagina mukammal ko'rinishga ega. Navbatdagi uchrashuvlarda “Arsenal”ga omad ortiqchalik qilmasligi aniq

Qarshi fikr: Aynan xozirgi vaqtda “Arsenal” o'zining asosiy raqiblaridan o'yin bo'yicha ishonchliroq ko'rinmoqda.

“MYU” ommaning fikri bo'yicha chuqur inqirozda, bir necha hafta avval “Chelsi” ham xuddi shunday holatda edi, “Manchester Siti” bir maromdagi o'yin namoyish eta olmayapti va bu o'yin sovrinlar uchun kurashishga kamlik qilishi aniq, “Tottenxem” bu mavsumda o'yindan faqatgina 4 bor raqib darvozasini ishg'ol eta oldi va jamoa vaziyatlar yaratishda ancha oqsamoqda. “Liverpul” darvozaboni premer-ligada eng ko'p “seyv”lar amalga oshirdi va bu faqatgina “Arsenal” bilan birinchi pog'onani bo'lishish uchun kifoya qildi.

Qanchalik g'ayritabiiy tuyulmasin, qolgan jamoalarning bunday o'yini oqibatida “Arsenal”ga aynan o'yin sifati bo'yicha faqatgina “Sautgempton” raqiblik qilishi mumkin.

Hozir “Arsenal” asosiy raqiblariga nisbatan ishonchli o'yin ko'rsatmoqda. Lekin uzoq masofada jamoaga aynan yuqorida takidlaganimizdek “zaxira uznligi” pand berishi mumkin. Lekin tor doiradagi o'yinchilar hisobiga qurilgan jamoaviy o'yin, aksincha klubga foyda keltirishi ham mumkin. 2003/04 mavsumida “Arsenal” premer-liga bahslarida faqatgina 22 nafar futbolchi xizmatidan foydalangan. Ushbu mavsumda klub tarkibida 24 nafar futbolchi maydonga tushishga ulgurdi.

4. Asosiy muammolarni hal etmagan katta transfer

Mesut O'zil “Arsenal”dagi faoliyatini shu qadar omadli boshladiki, Angliyada adolatli bo'lishi uchun, Mesutga chap oyog'i bilan o'ynashni cheklovchi yangi qonun ishlab chiqishmoqchi. Bu transferni tap tortmay Dennis Bergkamp va Erik Kantonalarning, “Arsenal” va “MYU”ga transferlari bilan tenglashtirishmoqda.

“Arsenal”ga ko'proq markaziy xujumchi kerak bo'lib turgan bir vaqtda, Arsen Venger o'tgan mavsumda jamoaning eng yaxshi o'yinchisi deb topilgan Santi Kasorlaning ampluasiga yangi o'yinchi olib keldi.

Qarshi fikr: Hech nimaga qaramay “Arsenal” yarimhimoyasi juda ham mazmunli va chiroyli o'yin ko'rsatmoqda.

“”Arsenal”ga qarshi o'ynash juda qiyin, chunki markazda doimiy ravishda ularning 4-5 nafar futbolchisi harakatlanadi”, - deya “Arsenal” bilan o'yindan so'ng taajjublangandi Martin Yol. Aslida o'sha uchrashuvda raqib 3 nafar markaziy yarim himoyachi bilan maydonsha tushgandi. Lekin, Yolni ham tushunish mumkin jamoa o'yinchilarining bir-birlarini tushunib harakat qilishlari va Aaron Remzining mehnatchanligi tufayli maydonda 1-2 ta futbolchi ko'proqdek tuyulishi tabiiy.

Undan so'ng klub safiga yana Mesut O'zil va Mate Flamini qo'shilishdi. Bu esa maydon markazini yanada kuchaytirdi. Ikki yil avval Sesk Fabregasning jamoadan ketishi haqiqiy qiyomat bo'lmasa ham, malum bir davrning yakunidek tuyulgandi.

Ochig'ini aytsak, xozirgi “Arsenal”da, uning eng yaxshi holatida ispan futbolchisiga maydonda joy topilmasa ham kerak edi. Aaron xozirgi holatida xar qanday raqobatga tayyor, Mesut esa undan ham mashxur futbolchi hisoblanadi.

5. G'oliblik ruhi etishmasligi

Oxirgi yillardagi “Arsenal” futbolchilariga nisbatan xuddi shunday fikrlar bildirish odat tusiga kirgandi. Tarix shuni ko'rsatmoqdaki, yaxshi o'yin “kanonir”larga g'alabani kafolatlay olmaydi. Bu anana ortda qoldi deyishga hali erta. Buni mavsum davomida bevosita guvohi bulamiz.

Qarshi fikr: “Arsenal” va nihoyat hal qiluvchi pallalarda ustunlikni qo'lga olishni o'rgandi shekilli.

Kamida, chempionlarga xos xislat jamoa o'yinida mavjud. Ular to'pni egallab turish bo'yicha premer-ligadagi eng yaxshi ko'rsatkichni qayd etishmoqda. Lekin to'ni o'z tasarrufida ushlash, o'yin tizginini qo'lda ushlab turish degani emas. 2012/13 mavsumidagi “Emireyts”da “Bavariya”ga qarshi o'yinda “kanonir”lar to'pga egalik qilish bo'yicha ustunlikka erishdilar va nemislar ustidan mavsumdagi bunday ustunlikka ega bo'lgan birinchi jamoa bo'lishdi, lekin bu o'lar uchrashuv tizginini o'z qo'llarida ushlab turgandilar degani emas. Ikkinchidan, raqib deyarli ikkinchi tarkibi bilan harakatlanayotgandi.

Bu mavsumda jamoa o'yini bir oz o'zgardi. 54% vaqt davomida to'pga egalik qilsalar ham, “Arsenal” vakillari tezlik bilan qarshi hujumga o'tish, qisqa to'p uzatishlar evaziga xavfli vaziyatlar yaratish va hal etuvchi pallalarda ishonchli o'yin ko'rsatib baxs taqdirini o'zgartira olishmoqda. 10 daqiqa ichida kiritilgan Remzining dubli, “Napoli”ga qarshi uchrashuvning dastlabki 15 daqiqasi amalda baxs taqdirini hal qildi. “Suonsi” bilan o'yinning hal etuvchi pallasida “Arsenal” o'yin suratini keskin oshirdi va o'ziga kerakli natijaga erishdi.

Biz "Arsenal"ni maqtamoqchi yoki kamsitmoqchi emasmiz.
Shunchaki jamoaning bugungi holati haqidagi fikr-mulohazalarni taqdim etdik.

Omonjon To'xtamirzaev tarjimasi

“Arsenal” premer-liga chempioni bo'lmasligining 5 ta sababi