Ўшанда Мбаппе "Монако"да ўйнарди. Футболчи 2017 йилнинг 31 августида ижара асосида ПСЖга кўчиб ўтган ва кейинчалик парижликлар уни тўлиқ сотиб олишганди.

"Биз Мбаппени анча олдин, 2016 йилда олиб ўтишга ҳаракат қилгандик.

Лондонда унинг ота-онаси билан учрашганмиз. Ўшанда улар Арсен Венгер билан машғулот базасига келишган. Кейин эса биз Килиан билан учрашиш учун Франция жанубига борганмиз.

Ўша учрашув биз учун нотўғри вақтда бўлиб ўтган. Биз "Суонси"га ютқазганимизнинг эртасига кўришганмиз. Ундан олдин эса "Олд Траффорд"да мағлуб бўлгандик.

Ўшанда уч кундан кейин "Тоттенхэм"га қарши муҳим ўйинимиз ҳам бор эди. Демак, ўшанда музокаралар учун нотўғри вақт танланган. У бизга рад жавобини берган ва "Монако" билан янги шартнома имзолаган", - деди Гриманди.

"Арсенал" собиқ скаути Мбаппени кўндирмоқчи бўлгани ҳақида гапириб берди