Angliya Premer-ligasi vakili Kataloniya klubi himoyachisi Erik Garsiyaga qiziqish bildirmoqda.

Mikel Arteta yanvar oyida markaziy himoyachini qo'lga kiritish uchun harakat qilib ko'rgandi. Biroq qutbolchining o'zi "Emireyts"ga ko'chib o'tishdan bosh tortdi. "To'pchilar" 22 yoshli o'yinchini yozda ko'ndirishga umid bildirmoqda.

"Ko'k-anorranglilar" yaqindagina "Atletik" himoyachisi Inigo Martines bilan og'zaki kelishuvga erishgani malum qilindi. Bu esa kelasi mavsumda jamoaning ushbu nuqtasida raqobat yuzaga kelishini bildiradi. Joriy mavsumda murabbiy Xavi Ernandes tomonidan La Ligada 11 o'yinni boshlang'ich tarkibda boshlagan Garsiya maydonda ko'proq harakatlanishni istaydi. Futbolchi bu holat keyingi mavsumda takrorlanishini xohlamaydi. Shu sababli "Arsenal" yuqoridagi sabablar Garsiyani Angliyaga yo'l olishiga turtki bo'la oladi, deb ishonadi.

Ispaniya terma jamoasi azosi 2021 yilda "Manchester Siti"dan tekinga "Barsa" safiga kelib qo'shilgan va 5 yillik shartnomaga imzo chekkan.

"Arsenal" yana Erik Garsiyani sotib olishga urinib ko'radi