Ushbu turda Toshkentning "Paxtakor" klubi o'z uyida Navoiyning "Qizilqum" jamoasini qabul qildi va (3:1) hisobida g'alaba qozondi. Uchrashuvdan so'ng "Qizilqum" klubi futbolchisi Artur Gevorkyan o'z fikrlari bilan o'rtoqlashdi.

“Chempionatning ilk turidagi uchrashuv har qanday jamoa uchun qiyin bo'ladi. Birinchi o'yin bo'lgani uchun hayajon bo'lgan bo'lishi mumkin. Dastlabki bo'lim ikkinchisiga qaraganda qiziqarli bo'ldi, deb o'ylayman. O'yin tempi ham yuqori bo'ldi.

Ikkinchi bo'limda o'z imkoniyatlarimizdan foydalana olmadik va himoyadagi xatolarimiz tufayli o'z darvozamizdan 3 to'p olib chiqdik. G'alaba qozonish uchun qo'limizdan kelgan barcha ishni amalga oshirdik. "Paxtakor"ga qarshi bahs biz uchun omadsiz bo'ldi, deb hisoblaylik.

Mag'lubiyatda barchaning aybi bor. Alohida bir futbolchini aybdor qilib ko'rsatqochi emasman. Shuning uchun ushbu mag'lubiyatni tezda esimizdan chiqarib, ikkinchi turga tayyorgarlik ko'rishimiz kerak.

“Paxtakor” klubi ancha yildan beri oliy ligada o'ynab kelmoqda. Ushbu klubda terma jamoaga nomzod bo'lgan bir qator futbolchilar bor. “Sherlar”ga qarshi o'tkazgan o'yinimdan qoniqish hosil qilmadim. Mana shu mag'lubiyat barcha uchun dars bo'lib qolsin” – deydi “Qizilqum” klubi futbolchisi Artur Gevorkyan.

Jahongir Sotvoldiev suhbatlashdi.

Artur Gevorkyan: "Sherlar”ga qarshi o'tkazgan o'yinimdan qoniqish hosil qilmadim”