Mamlakatimizning amaldagi chempioni "Olmaliq" kecha "Bunyodkor"ni qiyinchilik bilan mag'lub etdi (2:1). O'yindan keyin olmaliqliklar azosi Artur Yunusov fikrlarini bildirib o'tdi.

"Ayni paytga kelib chempionatda engil g'alabaga erishib bo'lmaydi. Bu yarim final va undagi jamoalarning bari shunga yarasha tayyorlanishgan. Chunki, yutqazgan finalsiz qoladi. "Bunyodkor" yosh va kelajagi bor jamoa, tarkibida istalgan paytda gol urishi mumkin bo'lgan tajribali o'yinchilari ham bor. Raqibimizning yosh futzalchilari istalgan payt qo'shimcha kuch qo'sha oladilar. Hozir faqat "Olmaliq" va "Ardus" kuchli emas. Qolgan ikkita jamoa ham juda kuchli va ularning har biri chempionatda bosh sovrinni qo'lga kiritmoqchi", - deb aytib o'tdi Yunusov.

Artur Yunusov: "Yarim finaldagi har bir jamoa bosh sovrinni qo'lga kiritishi mumkin"