“Ўйин жуда қийин кечди. Одатда, Наманганга келган ҳар қандай жамоа қийналади. Чунки у ердан очко олиш учун жуда қийин. Мазкур баҳсда ғалаба козонганимиздан хурсадмиз. Жамоамизда ютиш учун кучли мотивация бор эди. Шунинг учун ғалаба козондик. Қолаверса, омад биз томонда ҳам бўлди. “Навбахор” яхши жамоа, ажойиб мухлисларга эга ҳисобланади. Уларга кейинги ўйинларида омад ёр бўлишини тилайман.

Кам ўйнаётганимга келсак, буни мураббийимиз яхши билади. Кимни майдонга тушуришни мураббийлар ҳал қилади. Мени вазифам машғулотларда кўпроқ меҳнат қилишдир. Ҳозирча ҳаммаси яхши. Меҳнат қилишда давом этаман.

Июнь ойида бизни жуда муҳим беллашувлари кутиб турибди. ОФК кубогидаги асосий вазифамиз гуруҳ баҳсларини муваффақиятли якунлаш. Қолганини вақт кўрсатади. Умид қиламанки, Ўзбекистон номидан ОФК кубогида ҳам ижобий иштирок этиб, мухлисларни хурсанд қилмоқчимиз",- дейди Филипосян.

Артём Филипосян: “Навбаҳор” билан ўйинда омад ҳам биз томонда бўлди”