- O'yin haqida

- Avvalo, betob bo'lib qolgan Jasur Birodarovich Abduraimovga tezroq sog'ayib ketishini tilayman. O'yinni ko'rdingiz, ikkinchi golni urishimiz lozim bo'lgan bir paytda raqib qarshi hujumga o'tishiga yo'l qo'yib berdik va darvozamiz tomon penalti belgilandi. Afsuski, ikki markaziy himoyachimiz jarohat oldi va o'yin yakunida gol o'tkazib yubordik. Bunday o'yinlarda yutqazish alamli, ayniqsa, bir kishi ko'p bo'lib o'ynaganda.

- Bugun darvozani nega Akmal Tursunboev emas, Vladimir Vagin qo'riqladi?

- Yosh futbolchi Vaginga imkoniyat berishni xohladik. Unga katta etiroz yo'q. Akmal Tursunboev o'tgan o'yinda xatoliklarga yo'l qo'ygandi, shu bois mashg'ulotlarda faollik ko'rsatayotgan yosh posbonimizga ishonishga qaror qildik.

- "Metallurg"ni "Qizilqum" va "Nasaf" singari kuchli raqiblarga qarshi safar o'yinlari kutib turibdi. Jamoa Pro ligaga tushib ketmasligi uchun nimalarni rejalashtiryapsizlar?

- Nima deyishim mumkin, juda qiyin holatdamiz. Superliga turnir jadvalida "xavfli hudud"ga yaqinlashib qoldik. Ishlashda davom etamiz, o'z ustimizda ishlab, keyingi o'yinlarga tayyorlanishimiz kerak. Asosiysi – taslim bo'lmaslik.

Artyom Petrosyan: "Bunday o'yinlarda yutqazish alamli, ayniqsa, bir kishi ko'p bo'lib o'ynaganda"