- Чиройли ўйин бўлди. "Локомотив"ни ғалаба билан табриклайман. Ўйинга тўхталадиган бўлсам, тажриба ўз сўзини айтди. Биз бугун кўпроқ ёшларимизга имконият бердик. Ҳаракат қилдик, иложи бўлмади.

- Ўтган йили ушбу икки жамоа кубокда тўқнаш келган. Ўтган йилги ўйин билан қанчалик фарқ қилди?

- Ўтган мавсумдаги йигитлар билан фарқ катта. Ўшанда бизда Про-лигада ўйнайдиган жамоа бор эди. Ўзимнинг кўнглим тўлган жамоани йиғгандик. Бу йил эса ёшларга кўпроқ эътибор бериб, зоминлик йигитларни кўпроқ ўйнатяпмиз.

- Таркибдаги футболчиларнинг умумий савияси билан жамоанинг "Локомотив"га ўтган йилгидек қаршилик кўрсатишини кутганмидингиз?

- Йўқ, кутмагандим. Чунки барибир таркиб ўтган йилгидан кўра, барибир бироз пастроқ, биринчи лига даражасида. Ҳозир Про-лига ёки ундан юқоридаги жамоаларга қаршилик қилишимиз қийин. Бу ерга ғалаба учун келмадик. Ушбу учрашув бизга катта тажриба бўлди. Навбатдаги ўйинларда яхши ўйнашга ҳаракат қиламиз. Биринчи лигада яхши натижалар кўрсатиб, яна Про-лигага қайтишга ҳаракат қиламиз.

- "Зомин" Кубокда "Динамо", "Локомотив" ва "Қизилқум"га қарши кучли рақиблар билан ўйнайди. Ушбу учрашувлар жамоангиздаги футболчиларнинг даражаси, тажрибасини ошишида қанчалик даражада ўрин тутади?

- Ушбу ўйинлар билан катта тажриба оламиз. Масалан, "Локомотив" прессинги орқали бизни биринчи зонадан чиқиб кетишимизга ҳам имкон бермади. Бундан керакли ҳулосаларни олиб, навбатдаги учрашувларда шундай прессинглардан чиқиб кетиш борасида ишлаймиз.

Асқар Умаров: "Локомотив" майдонига ғалаба учун келмагандик"