O'yin haqida

- Bugungi o'yin keskin kurashlarga boy o'tishini bilardik. Chunki "Aral Samali" ham kuchli jamoa, ularga qarshi o'yin uchun asosan standart vaziyatlar ustida ishladik desam ham bo'ladi. Afsuski, yigitlar g'alabani saqlab qola olishmadi. O'yinni deyarli yutib turgan vaqtimizda so'ngi daqiqalarda gol o'tkazib yubordik.

- O'yin davomida shogirdlaringiz yaxshi uzatmalarni amalga oshirishmoqda. Lekin vaziyatlarni yakunlashda, so'ngi zarbalarni yo'llashda kamchiliklar ko'zga tashlandi. Bu sizning murabbiylik kurslarida o'qiyotganingiz tufayli jamoa bilan ko'p birga bo'la olmayotganingiz tufayli yuzaga kelmoqda deb hisoblaysizmi?

- Yo'q, o'yin davomida ko'rinib turdi, murabbiylar shtabi jamoani yaxshi tayyorlagan. Biz bir jamoamiz va hamisha hamfikrlikda ish yuritamiz. Kuchli himoyalanayotgan jamoa himoyasini yorib o'tishni ko'proq mahoratli futbolchilar uddalaydi. Bizda hujumda yosh yigitlar o'ynayapti, hali ularga bir oz vaqt kerak deb o'ylayman.

- Jamoa sardori olgan kartochka haqida munosabatingiz qanday?

- Futbolchi o'yin davomida har qanday bosim va vaziyatlarga tayyor turishi kerak. Shuningdek, intizom ham futbolning doimiy ajralmas qismi hisoblanadi.

- Asror Chorievich, muxlislar keyingi mavsumni ham "Sho'rtan"da o'tkazasizmi, jamoani yangi mavsumga o'zingiz tayyorlaysizmi degan savolning javobiga qiziqishmoqda...

- Hozirgi kunda jamoamizda moliyaviy jihatdan yaxshi xolat yuzaga keldi. Xomiylarimiz tomonidan qisqa fursat ichida futbolchilarning oylik maoshlari to'lab berildi. Bu borada klub rahbariyati va biriktirilgan xomiylarga o'z minnatdorchiligimni bildiraman. Imkoniyatimizdan kelib chiqib yangi mavsum oldidan jamoaga futbolchilarni taklif etamiz.

Asror Aliqulov: "Bugungi o'yinga standart vaziyatlar bo'yicha ishlagandik"