- Avvalambor aytishim kerakki, ilk daqiqalardan to final xushtagigacha o'yin kurashlarga boy bo'ldi. Maydonning suniyligi to'p bilan ishlashga katta tasir qildi. Shunga qaramasdan biz uzun paslar orqali hujumlar tashkil qilib, himoyada xatolar qilmaslikka harakat qildik. G'alabaga harakat qildik, biroq durang bo'ldi. O'yindan kelib chiqib, barchasi adolatli bo'ldi deyish mumkin.
- "Mashal" jamoasi "Aral" maydonida gol urish va g'alaba qozonishga qiynalyapti. Bunga sabab nimada?
- Birinchi sabab - maydon. Aynan shu sababli ayrim futbolchilarni maydonga tushirmaslikka majbur bo'lyapmiz. Suniy maydon oldindan jarohati bor yoki mushaklarida, bo'g'imlarida muammolari bor futbolchilari uchun xavfli. Maydonning suniyligi nafaqat "Mashal"ga, balki, boshqa jamoalarga ham qiyinchiliklar tug'diradi.
- "Mashal" jamoasi turnir jadvalida "Buxoro" bilan kurash olib bormoqda. Jamoaning asl maqsadi qanday?
- Qanday sport bo'lishidan qatiy nazar barcha g'alabani ko'zlaydi. O'z navbatida bizda ham shunday. Buni futbolchilarga doimo uqtiramiz. Maqsad - g'alaba qozonish, yuqori o'rinlarda bo'lish va muxlislarni xursand qilish.
Izohlar