O'yin haqida

- Birinchi bo'limda ikki to'p farqi bilan hisobda oldinga chiqdik. Ikkinchi taymda yana ko'proq gol uramiz deb chiqqandik. Tanaffusda xato qilmaslikni yigitlarga uqtirdim, ammo baribir xatolarga yo'l qo'ydik. Oxirgi sekundlarda penalti sabab g'alabani qo'ldan chiqardik.

- "Mashal" jamoasi hujumchilari juda ko'p vaziyatlarni ochiqdan ochiq ko'kka sovurishdi. Bunqa qanday munosabatdasiz?

- Bu birinchi navbatda futbolchilarning o'z kasbiga professional yondoshmagani. Buning natijasida oxirgi daqiqalargacha bosim bizda saqlanib turdi va g'alabani boy berdik. Albatta, jamoamiz yosh.

- Penalti qo'yilgan vaziyatda qizil kartochka bormidi?

- Bu vaziyatga hakamlar yaqinroq edi. O'sha vaziyatda yon hakam penaltiga ishora qildi. Bu holatni hali ko'rmadim. Shunga bir narsa deyish qiyin.

- Jamoani Superligaga olib chiqish rejasi yo'qmi?

- Bu yildan homiyimiz o'zgardi. Jamoa va akademiyani kuchaytirish maqsadi bor. Keyingi yillardan kattaroq maqsadlar qo'yamiz va albatta Superligaga chiqish vazifasi ham jamoa oldiga qo'yiladi.

- Jamoa o'yinidan qoniqdingizmi?

- Bugungi o'yindan qoniqmadim. Legionerlarimiz ham o'zini ko'rsata olmadi. Ochko yo'qotdik.

- Bugungi natijada aybni o'z bo'yningizga ola olasizmi?

- Albatta, har doim shunday bo'lgan. Jamoaning natijasiga murabbiy javobgar. Birinchi va ikkinchi bo'limda juda ko'p vaziyat yaratdik, ammo gol ura olmadik. Oxirgi sekundda ham vaziyat yaratdik. Hujumchi esa keraksiz qaror qabul qildi.

- Uchrashuv yakunida jamoa muxlislari orasida janjal yuzaga keldi. Bu vaziyatda aslida nima bo'lgandi?

- Muxlislikda ham madaniyat bo'lishi kerak. Biroq raqib jamoa manziliga haqorat ishlatish kerak emas. Biz mehmondo'st xalqmiz. Raqib muxlislari o'yin davomida bizni haqorat qilishgani uchun o'yindan so'ng nega bunday qilishganini so'radim.

Asror Aliqulov: "Muxlislar raqib jamoa manziliga haqorat ishlatishi kerak emas"