"O'yinda yirik hisobda yutgan bo'lsak ham, bahs oson bo'lmadi. Jismoniy tomonlama, yakkakurashlarda raqib ustunligi sezildi. "Xorazm" oxirgi daqiqaga qadar bizni bosim ostida ushlab turdi", - deydi Asror Aliqulov.

- Birinchi taymda Muhriddin Zoirov juda yaqin masofadan noaniq zarba berdi. O'sha vaziyat bo'yicha murabbiy sifatida fikringiz qanday?
- Bir haftada ikkita mashg'ulot faqat gol urish bo'yicha bo'ladi. Yaqin masofadan ura olmagani o'zining xatosi deb o'ylayman, u erda qattiq tepish shart emasdi, shunchaki darvozabonning yoniga tepsa bo'ldi edi.

- "Sho'rtan" bugun yutgan bo'lsa ham, faqat "Xorazm" klubi futbolkalarining ortida familiyalar yozilgan ekan. Bunga qanday qaraysiz?
- Biz bu yil to'rtinchi marta jamoa yig'dik. Agar familiya yozadigan bo'lsak forma etmasdi va moliyaviy tomonlama ancha qimmatga tushardi.

- Ofsayddan urilgan golga qanday tarif berasiz? O'sha vaziyatda ofsayd bormidi?
- Bu vaziyatda futbolchimiz xato qildimi yoki hakammi buni faqat videoni ko'rib chiqqach aniq gap ayta olaman.

- Zaxira hakami bilan ko'p tortishdingiz. Nima deb o'ylaysiz buning foydasi bormi?
- O'zi istalgan hakam bilan tortishishning foydasi yo'q, o'zim ham futbolchi bo'lganman. Ammo o'yin davomida ehtirosga berilamiz. O'yindan keyin doim qo'l tashlab, uzr ham so'rayman.

- "Sho'rtan" yilni qaysi pog'onada yakunlaydi deb o'ylaysiz?
- Ikkinchi bosqichda yigitlar oldiga keyingi yil uchun tayyorgarlik boshlanganini aytdik. Yosh futbolchilar bu yil o'zlarini ko'rsatishsa keyingi mavsum o'ynashadi, aks holda qaerda o'ynashadi?

Asror Aliqulov: "O'zi hakam bilan tortishishning foydasi yo'q, ammo..."