London klubi rahbariyati Madrid klubiga xavbekning tovon pulini to'lamoqchi ekanligini xabar qilmagan.

"Atletiko" futbolchining ketishi haqidagi bayonotda oyna yopilishiga 32 daqiqa qolganda rasmiy malumot olganiga aniqlik kiritgan. Bu haqda klubni La Liga ogoh etgan, o'z navbatida ligaga "Arsenal" Partini 50 mln evrolik tovon pulini amalga oshirishga tayyorligini xabar qilgan, ammo klubga emas.

Madrid klubi "Arsenal"ni bunday ish yuritishidan g'azablangan. "Atletiko" boshqaruvchilaridan biri londonliklar bilan munosabatlar tuzatib bo'lmaydigan darajada buzilgan deb hisoblaydi.

"Arsenal" kecha Partining transferini elon qildi. Klub o'yinchiga 2018 yildan beri qiziqayotgan edi. Tomas "Atletiko" tarbiyalanuvchisi hisoblanadi.

"Atletiko" "Arsenal" bilan munosabatlarini uzdi, klub londonliklarning qilgan ishidan g'azabda