Мадридликлар "Валенсия" билан ярим ҳимоячининг трансферини келишиб олди. У 25 млн евро ва бонуслар, шунингдек кейинги сотувдан фоизни ўз ичига олади. Ҳали ўйинчининг ўзи билан шахсий шартнома бўйича келишиб олингани йўқ.

"Атлетико"нинг 21 ёшли хавбек вариантига ўтишида "Челси" ўйинчиси Конор Галлахернинг қарор қабул қила олмаётгани сабаб бўлди. Англиялик ҳалигача ўз режаларини хабар қилгани йўқ.

Герра Испания пойтахти жамоасига ўтишга тайёр ва буни олдинга ташланган қадам сифатида кўрмоқда. У олдинроқ "Жирона" ва "Сосьедад"дан таклиф олган, аммо "Валенсия"дан кетишни хоҳламаганди.

Хави ўтган мавсум Ла Лигада 36та ўйинда 4та гол уришга эришди.

"Атлетико" Галлахер қарор қабул қила олмаётгани сабаб "Валенсия" билан Герранинг 25 млн евролик трансферини келишиб қўйди