25 ёшли испаниялик - "рохибланкос"нинг чап қанот мудофаа чизиғини кучайтириш учун бош мақсади.

Мадрид клуби январдаёқ ҳимоячининг трансфери бўйича алоқага чиққан эди. Музокаралар баҳорга келиб тикланди.

Гримальдонинг товон пули - 60 миллион евро. Товон пули сифатида тўланадиган нарх музокаралар якунида камроқ бўлиш эҳтимоли мавжуд.

Ҳозирда "Фамаликан"да "Вулверхэмптон"дан ижара асосида ўйнаётган Рубен Винагре испанияликнинг ўрнини "Атлетико"га кетган тақдирда Лиссабон клубида эгаллаши мумкин.

Гримальдо жорий мавсум Португалия чемпионатида "гол+пас" тизимида 10 (2+8) очко тўплади. У лигада ассист бериш бўйича етакчилик қилмоқда.

Эслатиб ўтамиз, Валенсияда туғилган футболчи дастлаб "Валенсия" клуби академиясига борган. 2008-2012 йилларда эса "Ла Масия"да шуғулланган ва "Барса" тарбияланувчисидир. Гримальдо 2011-2015 йиллар давомида "Барселона"нинг "B" жамоасида 92та ўйинда майдонга тушган ва шундан сўнг "Бенфика"га ўтган.

"Атлетико" Португалия чемпионатининг энг яхши ассистентини ўз сафига қўшиб олмоқчи