"Bu 14 yil oldin bo'lgan edi. Tasavvur qiling, u deyarli 17 yoshli kichkina bola edi. U hamma narsa boshqacha kechadigan Evropaning eng katta shaharlaridan birida edi. U pastgina edi, klub esa uning uchun 20 million evro to'lagan.

Men uni ko'rdim va Migel Anxel (ijrochi direktor)dan so'radim: "Siz shu bolaga shuncha mablag' to'ladingizmi? U La Liga nima ekanligini tushunmayapti, Evropa va Madrid haqida hech narsani bilmaydi.

Yigitcha boshidan boshlashi kerak edi. Fikrimcha u jismoniy holat bo'yicha chempionat startiga ham tayyor emas edi.

Men Migel Anxelga aytdim: "Agar men bu yigitchani bir oyga "Atletiko B"ga yuborsam nima bo'ladi?

Migel Anxel javob berdi: "Ular seni o'ldirishadi. Matbuot seni shunchaki o'ldirib tashlaydi"

Serxio bilan asosiy narsalardan boshladik. To'pga egalik qilish bo'yicha u jamoaning eng yaxshi o'yinchisi edi. To'psiz esa shunchaki muxlislardek o'yinni tomosha qilardi. Shunday ekan, biz to'psiz o'yin ustida ishladik. Ammo, u o'zgacha edi. Jarima maydonchasida, darvozabon bilan birga-bir vaziyatda u shunchaki qotil edi, umuman olganda top, birinchi darajali o'yinchi edi", - deydi Agirre.

Eslatib o'tamiz, Serxio Aguero "Atletiko"da 2006-2011 yillar davomida o'ynagan va shundan so'ng "Manchester Siti"ga yo'l olgan.

"Atletiko" sobiq ustozi Agirre: "Agueroni "Atletiko B"ga yubormoqchi bo'lganman"