Марокаш терма жамоаси аъзоси январь ойидаги трансферлар ойнасида кўплаб клубларнинг бош мақсадига айланган эди. Буни ярим ҳимоячининг акаси ҳам тасдиқлади. 26 ёшли футболчи айни пайтда энг кўп эътиборни ўзига тортиб келаётган ўйинчилардан бири бўлиб қолмоқда.

Амрабатни ўз такркибига қўшиб олишни ният қилганлар орасида Ла Лигада "Барселона"дан ташқари "Атлетико" Мадрид ҳам пайдо бўлди. Клуб африкалик футболчини "Ванда Метрополитано"га келтириш учун жиддий уринишни амалга оширади. Амрабатнинг ўзи Испания чемпионатига йўл олишни истайди. "Атлетико" у қадрлайдиган клублар қаторида. У яқинда пойтахт клуби бош мураббийи Диего Симеонени мақтади ва бу унинг "Атлетико"га ўтиши ҳақидаги тахминларни кучайтирди.

"Атлетико" Мадриднинг Амрабатга бўлган қизиқиши жамоада Аксель Витсельнинг келажаги ноаниқ бўлган бир пайтда юзага келди. Италия клуби юлдузи бельгиялик ярим ҳимоячининг ўрнини тўлдириши мумкин. Витселнинг клуб билан шартномаси мавсум охирида ниҳоясига етади. Унинг отаси футболчи клубни тарк этишига ишора қилди.

"Атлетико" Софьян Амрабат учун "Барселона" ва "Ливерпуль" билан рақобат қилишига тўғри келади. А Серия вакили футболчисини арзонга қўйиб юбормаслиги тайин. Каталония клуби молиявий қийинчиликлар шароитида марокашлик ўйинчини харид қилишга қурби етмаслиги мумкин.

"Атлетико" ва "Барселона" Амрабат учун курашади