O'yin xususida

- Bugun muxlislarimiz qarshisida g'alaba qozonib, ularni xursand qilmoqchi edik. AGMKga qarshi o'yin joriy mavsumdagi uydagi so'nggi bellashuvimiz edi. Biroq o'yin juda shiddatli kechdi. Biz kutilmaganda gol qo'yib yubordik. Yutqazayotganimizdan kelib chiqib, hisobni tenglashtirish uchun harakat qildik. Yakunda esa o'zimizga kerakli bo'lgan golni urib, mag'lubiyatdan qutulib qoldik.

AGMK borasida

- Xabaringiz bor, AGMK tarkibi jihatidan Cuperligadagi eng kuchli jamoalardan biri. Bejiz sovrinli o'rinlar uchun kurashmayotganini isbotlab kelmoqda. Yutqazib ham qo'yishimiz mumkin edi. Raqibga munosib o'ynadik deya olaman.

Yo'l qo'yilgan xato to'g'risida

- Bosh murabbiyimiz o'yin boshida xato qilmasligimizni aytgandi. Biz esa kutilmaganda gol qo'yib yuborganimiz sababali rejalarimiz biroz o'zgarib ketdi. Bu esa qolgan vaqt davomida ishimizni qiyinlashtirdi.

Oxirgi tur haqida

- So'nggi turda bizni vodiy derbisi kutmoqda. Bu o'yinni sabrsizlik bilan kutmoqdamiz. Namanganda ajoyib atmosfera xukmronlik qiladi. Qolaversa, muxlislar to'la maydonda to'p tepish boshqacha. Biz ushbu o'yinda ijobiy natija qayd etmoqchimiz.

Avazxon Mamatxo'jaev: "Qo'qon-1912" vodiy derbisida ijobiy natija qayd etmoqchi"