- O'yin haqida

- Birinchi navbatda "Dinamo"ni g'alaba bilan tabriklayman. Uch ochko bizga juda zarur edi. "Lokomotiv" bilan durang qayd etgan "Dinamo" ham bu uchrashuvga katta etibor qaratdi. 19 avgustda oxirgi o'yinimizni o'tkazdik. Uch hafta o'yin amaliyotisiz qoldik. Shu sabab ham yigitlarning jismoniy holatida kamchiliklar bo'ldi. Bunday katta pauza bo'lsa, yigitlarni formada ushlab turish qiyin bo'ladi. O'yinga kelsak, ikki taym ikki xil bo'ldi. Birinchi bo'limda "Dinamo" ustunlik qildi, ikkinchi bo'limda esa bizning ustunligimizda o'tdi. Vaziyatlardan foydalana olmadik.

- 15 sentbr kuni "Xorazm"ga qarshi o'yindan so'ng, yana katta pauza yuzaga keladi. O'yinlar orasidagi bunchalik katta tanaffusga fikringiz qanday?

- Bu PFLning qarori. Biz nima ham qila olamiz. Ko'nishdan boshqa ilojimiz yo'q. "Xorazm"ga qarshi o'yin esa olti ochkolik uchrashuv bo'ladi. O'yinga yaxshilab tayyorlanib, bor kuchimizni ishga solamiz. Bugun uchrashuvga kelgan muxlislardan uzr so'rayman. Kelishgani uchun rahmat deb aytaman.

- "Dinamo" baribir Superliga darajasidagi jamoa. Birinchi taymda o'yinimiz unchalik ham o'xshamadi. Bunga sabab nima bo'ldi?

- "Dinamo" tarkibida tajribali o'yinchilar ko'p. Bundan tashqari, legionerlarning tasiri ham jamoa o'yinida bor. Shu jihatlar ularga ustunlik bermoqda. "Dinamo" kubokda ham yarim finalga etib bordi. "Qo'qon-1912", "Lokomotiv" klublari bilan o'ynadik. Bu uch etakchi jamoalardan eng kuchlisi deb "Dinamo"ni bilaman. "Dinamo" Superligaga loyiq jamoa.

Aybek Nurbaev: "Pro liga etakchilari orasidagi eng kuchli jamoa bu "Dinamo"