“Ertaga bizni qiyin o'yin kutib turibdi. Chunki O'zbekiston terma jamoasi kuchli raqib. Ertangi bahs biz uchun katta sinov bo'ladi. Shunga qaramay biz bor imkoniyatimizni ishga solamiz. Sababi bu bosqichdagi har bir o'yin, har bir ochko jamoalar uchun o'ta muhim”, - deydi bosh murabbiy.

"Albatta ertaga katta o'yin kutib turibdi. Biz uchun bu bosqich katta sinov. Mamlakatimizda yuzaga kelgan siyosiy qiyinchiliklar tufayli ertaga g'alaba qozonishga urinamiz", - deydi jamoa sardori Abdulrazzoq Hussayin.

- Suriya terma jamoasi oxirgi 5 oy ichida o'zgardimi?

- Agar oxirgi oylarni inobatga olsak. Jamoaga bir ikki yangi futbolchilar qo'shildi. Ammo Suriya terma jamoasining o'zagi o'zgarmadi. Uchinchi bosqichda biz yangi kuchlar bilan o'ynashimiz kerak bo'ladi. Raqiblar juda kuchli.

- Suriya o'tgan bosqichda Singapur bilan o'yinlarda kichik hisoblarda g'alaba qozongandi. Kambodja va Afg'oniston esa yirik hisoblarda mag'lub etildi.

- Singapurga qarshi o'yinlardan oldin biz qiyin sharoitlarda tayyorgarlik ko'rgandik. Afg'oniston esa biz bilan o'yinga shunday vaziyatda tayyorgarlik ko'rgandi.

- Suriya bir necha kun oldin Tojikiston bilan o'ynadi. Uchrashuvda hisob ochilmadi. O'sha o'yinda himochilar harakatidan qoniqdingizmi? Ertaga ular maydonga tushadimi?

- Biz Tojikiston terma jamoasini hurmat qilamiz. Lekin bu jamoa O'zbekiston, Yaponiya yoki Koreya bilan teng emas. Bu o'yinda biz yangi nomlarni sinovdan o'tkazdik. Har bir o'yinga alohida tarkib bilan tayyorgarlik ko'ramiz. O'sha o'yindagi futbolchilar ertaga ham maydonga tushadi demagan bo'lardim.

- Tojikiston bilan o'yinda O'zbekistonga qarshi uchrashuvdan oldin himoyadagi harakatlarni sinovdan o'tkazdingizmi?

- Bu faqatgina o'rtoqlik uchrashuvi edi. Rasmiy o'yin va o'rtoqlik uchrashuvi o'rtasida katta farq bor. Tojikistonga yutqazsak ham xafa bo'lmasdik. Biz O'zbekiston bilan o'yinga tayyorgarlik ko'rdik.

- Ertaga O'zbekiston favoritmi?

- Albatta futbolda qog'ozda favorit degan tushuncha bor. Lekin futbolda oldindan hech qachon natijani oldindan taxmin qilib bo'lmaydi.

- Suriya uy o'yinlarini Makaoda o'tkazadigan bo'ldi. Makao Xitoyga yaqin mamlakat. Xitoy guruhimizdan bor. Bu taklif kimdan chiqdi?

- Oxirgi uch oy ichida biz uy o'yinlarini qaerda o'tkazish borasida muammoga uchrab kelayotgandik. 10 kun oldin Makaodan xat keldi va shu erda o'ynashga qaror qildik. Biroq so'nggi kunlarda u erda ham o'ynamasligimiz mumkinligi haqida xabarlar chiqdi.

- Suriyada Umar Xarbin kabi yosh iqtidorlar bor. Lekin futbolchilar asosan o'rtamiyona klublarda o'ynashmoqda...

Abdulrazzoq Hussayin: - Balki bu mamlakatimizdagi notinch vaziyat tufayli bo'lishi mumkin. Oldin Evropada o'ynagan futbolchilar bor edi. Hozir ham Saudiya Arabistonida o'ynaydigan futbolchilar bor. Futbolchilar oilasini o'ylab Suriyaning o'zida yoki unga yaqin mamlakatlarda o'ynashga qaror qilishmoqda.

- O'zbekiston safida qaysi futbolchilarni xavfli deb hisoblaysiz?

- Bu juda kuchli jamoa hisoblanadi. Bu bitta yoki ikki futbolchidan iborat emas. Bu jamoa sifatida kuchli hisoblanadi. O'zbekiston ushbu bosqichdagi eng kuchli jamoalardan biri.

Narzulla Saydullaev

Ayman Al Hakim: "O'zbekiston ushbu bosqichdagi eng kuchli jamoalardan biri"