Osiyo kubogi nimchorak finalidan o'rin olgan Iroq - Iordaniya (2:3) o'rtasidagi o'yindan so'ng, uchrashuv antiqahramoni Ayman Hussayn o'zining instagram sahifasida vaziyatga izoh berdi. Eslatib o'tamiz, Ayman Hussayn Iordaniya terma jamoasi darvozasiga urilgan golni keragidan ortiq nishonlab yuborgani uchun ikkinchi sariq kartochkasini olib, maydondan chetlatilgandi.

"Nima yuz berganini tushunolmay qoldim. Musobaqa bilan xayrlashish onlari juda qiyin bo'ldi. Biz bunday yakun bo'lishini xohlamagandik. Maqsadimiz juda yuqori edi, ancha uzoqqa borishni maqsad qilgandik. Ular butun dunyoning ko'z o'ngida orzularimizni o'g'irlashdi. Iroqlik barcha muxlislardan uzr so'rayman. Dohada biz bilan bo'lgan va termamizni qo'llab-quvvatlaganlar oldida kechirim so'rayman. Chunki biz quvonchingiz to'liq bo'lishini taminlay olmadik", -deb yozadi Ayman Hussayn o'zining instagram sahifasida.

Malumot uchun, Iordaniyaga qarshi bahsda aynan Hussaynning qizil kartochkasidan so'ng kamchilik bo'lib qolgan Iroq terma jamoasi qo'shib berilgan daqiqalarda ikkita gol o'tkazib, dahshatli tarzda mag'lubiyatga uchragandi.

Jurnalistlar matbuot anjumanida Iroq terma jamoasi bosh murabbiyiga hujum qilishdi

Osiyo kubogi to'purari Ayman Huscayn gol nishonlash sabab maydondan chetlatildi. Nega ?

Ayman Hussayn dahshatli mag'lubiyatdan so'ng: "Butun dunyoning ko'z o'ngida orzularimizni o'g'irlashdi"