2017 yilgi U-16 Osiyo chempionatiga KXDR, Yaponiya, Xitoy va Tailand terma jamoalari yo'llanmani naqd qilib bo'lishgan. Ular saralashda ishtirok etishmaydi. Faqat Tailand o'z istagiga ko'ra saralash bosqichida qatnashishga qaror qildi.

O'zbekiston o'smirlar terma jamoasi "D" guruhida Avstraliya, Vetnam, Gongkong, Falastin va Iroq bilan kuch sinashadigan bo'ldi. Ushbu guruh bahslari Vetnam davlatida bo'lib o'tadi.

"A" guruhi: Tailand, Myanma, Iordaniya, Guam, Laos, Pokiston
"B" guruhi: Janubiy Koreya, Hindiston, Filippin, Malayziya, Shimoliy Marian orollari, Livan
"C" guruhi: Eron, Xitoy Taypei, Bangladesh, BAA, Qirg'iziston, Singapur
"D" guruhi: O'zbekiston, Avstraliya, Vetnam, Gongkong, Falastin, Iroq

Har bir guruhda birinchi o'rinni olgan jamoalar Osiyo chempionatiga yo'llanma olishadi. Saralash o'yinlari 27 avgustdan 4 sentyabrga qadar bo'lib o'tadi.

2017 yilgi U-19 Osiyo chempionatiga Xitoy, Yaponiya, KXDR va Janubiy Koreya terma jamoalari muddatdan avval yo'llanma olib bo'lishgan.

Quraga ko'ra O'zbekiston terma jamoasi "B" guruhida Xitoy Taypei, Gongkong, Tojikiston va Pokiston bilan o'ynaydigan bo'ldi. Bu guruh bahslari Tojikiston mamlakatida bo'lib o'tadi.

"A" guruhi: Avstraliya, Iordaniya, Livan, Singapur, Shimoliy Mariana orollari
"B" guruhi: O'zbekiston, Xitoy Taypei, Gongkong, Tojikiston, Pokiston
"C" guruhi: Tailand, Myanma, Falastin, Qirg'iziston
"D" guruhi: Eron, Vetnam, Hindiston, Filippin

Har bir guruhda dastlabki pog'onani egallagan jami 4 jamoa Osiyo chempionatiga yo'l oladi. Saralash bahslari 29 oktyabrdan 6 noyabrga qadar o'tkaziladi.

Ayollar futboli. U-19 va U-16 Osiyo chempionati saralashiga qura tashlandi