- Parij Olimpiadasiga saralash boshlandi. Ushbu musobaqa haqida fikrlaringiz aytib o'tsangiz?

- Bugun birinchi uchrashuvni o'tkazib oldik va g'alaba qozondik. Asosiy maqsadimiz Olimpiadaga borish. Hindistonga qarshi uchrashuv oson kechgani yo'q. Osiyoda barcha jamoalar bizga qarshi yopiq va himoyaviy o'yin namoyish etishadi. Himoyani yorib etish esa oson emas. Biroq o'sha kuni biz ushbu vazifani uddaladik. Keyingi uchrashuvlarda kuchliroq raqiblar kutib turibdi. Qisqa vaqt ichida 3ta uchrashuv o'tkazamiz.

- Yaponiya terma jamoasi Osiyo eng kuchlisi. So'nggi yillarda esa Yaponiya futboli jadal rivojlanib bormoqda. Yaponiya erkaklar terma jamoasining o'tgan jahon chempionatidagi natijasi barchani lol qoldirdi. Ayollar futbolida esa Yaponiya allaqachon grand terma jamoalar qatorida. So'nggi yillarda Yaponiyada futbolning bu darajada rivojlanib ketishiga nima sabab bo'ldi deb o'ylaysiz?

- Progressning asosiy sababi bu etibor. Avvallari Yaponiyada bunday bo'lmas edi. Bunga ko'p sabablar keltirish mumkin. Masalan infratuzilma, tajribali mutaxassislar va aniq bir tizim. Bu borada o'zimga sezilgan jihatni aytib o'ta olaman. Hozirgi kunda biz hujumkor o'yin namoyish etishga intilamiz. Futbol o'zgarib bormoqda va himoyaga tayanib o'ynash har doim ham natija bermaydi. Qaysi jamoa ko'proq to'pga egalik qilsa, shu jamoaning hujumlari xavfliroq va g'alaba qozonish ehtimoli yuqoriroq bo'ladi. Shuningdek tajribali murabbiylarni jalb etish ham juda katta ahamiyatga ega deb o'ylayman.

- Keyingi uchrashuv mezbon O'zbekiston terma jamoasiga qarshi. O'zbekistondan nimalar kutmoqdasiz?

- Sizlarning terma jamoangizda katta motivaciya bor. O'z muxlislar ko'z o'ngida o'ynash har doim yoqimli va ko'proq kuch beradi. Shunga qaramay biz g'alaba qozonishimiz kerak. O'zbekistonga qarshi uchrashuv oson kechmasligi aniq.

- O'zbekistonda ayollar futbolini rivojlantirish uchun nimalar qilish kerak. O'zbekistonlik futbolchilar ham siz kabi Evropada to'p tepadigan darajaga etish uchun nima maslahat bera olasiz?

- Birinchi navbatda mutasaddilar ayollar futboliga etibor qaratishi kerak. Ayollar futboliga etibor juda kam, hamma erkaklar futboliga etibor qaratgan. Bunday muammo butun mamlakatlarida bor. To'g'risi men sizning davlatingizda ayollar futboli qay darajada ekanligidan yaxshi xabardor emasman. Adashmasam terma jamoangiz bosh murabbiyi yaponiyalik mutaxassis. Fikrimcha har bir ish yaxshi tuzilgan rejadan boshlanishi kerak. Futbolchilaringiz yaxshi darajada va katta potencialga ega. Ularni to'g'ri rivojlantirish kerak xolos.

Ayollar futbolidagi "Son Xen Min" championat.asia saytiga intervyu berdi