Жанговар дуранг 3:3 ҳисобида якунига етган беллашувдан сўнг мезбонлар ярим ҳимоячиси Аюбхон Нўъмоновнинг фикрлари билан қизиқдик.

"Учрашувга иложи борича яхши тайёрландик, қийин ўйин бўлишини билардик. Ғалабага тенг дуранг бўлди, муҳими беллашув мухлисларга ёқадиган жанговар тарзда ўтди. Бундан ҳам чиройлироқ ўйинлар кўрсатиб мухлисларимиз олдида юзимизни ёруғ қилишга ҳаракат қиламиз.

Ҳисобни очганимиздан сўнг бироз бўшашдик ва голлар ўтказиб юбордик. Кейин эса ҳаракат қилиб дурангга эриша олдик.

Аслида, мухлисларимиз олдида ғалаба қозонмоқчи эдик. Икки маротаба ҳисобда ортда бораётиб мувозанатни ўнглай олганимизга мураббийнинг тўғри қарорлари ва мухлисларимиз сабабчи деб ўйлайман", - деди Нўъмонов.

Эслатиб ўтамиз, Аюбхон Нўъмонов кечаги баҳсда ҳисобни очган голни киритган эди.

Толибжон Қосимов ёзиб олди

Аюбхон Нўъмонов: "Ғалабага тенг дуранг бўлди"