Aytish kerakki, Abdullaev 2019 yildan buyon faoliyatini qo'shni mamlakatda o'tkazmoqda. Qirg'iziston kubogidagi g'alabadan so'ng Azamat bilan suhbatlashdik.

Kubokdagi g'alaba to'g'risida

- Mavsum avvalida rahbariyat klubga OFK kubogiga yo'llanma olish vazifasini belgilab bergandi. Shu vazifa yo'lida kubok bahslariga katta etibor qaratdik. Finalda juda qiyin o'yin o'tkazib, muvaffaqiyatga erishdik. “Neftchi” kelgusi mavsumda OFK kubogida ishtirok etish huquqiga ega bo'ldi.

“Neftchi”dagi faoliyati xususida

- Bu jamoada 2019 yildan buyon to'p tepmoqdaman. Klub rahbariyati menga barcha sharoitlarni yaratib bergan, o'zimni bu erda juda erkin his qilaman. Qolaversa, muxlislarning ham menga bo'lgan ishonchi yuqori. Klubda qolishmni istashadi. Shu jihatlari bilan “Neftchi”da to'p tepmoqdaman.

O'zbekiston klublaridan takliflar borasida

- To'g'risi, oxirgi 3 yil davomida Superliga klublaridan menga umuman taklif bo'lgani yo'q. Har yili Pro-liga klublaridan aloqaga chiqishadi. Shuningdek, menga Tojikiston va Qirg'iziston jamoalaridan takliflar bo'ldi.

Kelgusidagi rejalari to'g'risida

- Agar men “Neftchi”dan ham yaxshiroq taklif olmasam, balki shu erda qolishim mumkin. Hozirda agentlar tomonidan bir nechta jamoalardan qiziqish borligi aytilmoqda. Jiddiy taklif bo'lsa, shunda hammasini o'ylab ko'rib, bir qarorga kelaman. Hozircha kelajagim xususida hech narsa ayta olmayman.

Azamat Abdullaev: “Muxlislar ham meni “Neftchi”da qolishimni istashadi”