"Bu yilgi Superkubok yana bir jihatdan ahamiyatliki, unda ilk bor tarixiy yutuqqa erishgan jamoalar to'qnash keladi. "Nasaf" o'tgan mavsum o'z tarixida birinchi marta mamlakat chempioni bo'ldi, "Andijon" esa ilk bor O'zbekiston Kubogini qo'lga kiritdi. Bu yutuqlar har ikki jamoa uchun juda katta ahamiyatga ega va shu sababdan har ikkisi ham Superkubokni qo'lga kiritish uchun bor kuchi bilan harakat qiladi deb ishonch bilan aytsa bo'ladi.

Shu bilan birga, jamoalar ushbu uchrashuvga turlicha kayfiyatda etib keldi. Chempion sifatida "Nasaf" yangi mavsumni yuqori saviyada boshladi va hozirda turnir jadvali peshqadami hisoblanadi. Jamoa barqaror va mazmunli o'yin ko'rsatmoqda.

"Andijon" esa aksincha, bu mavsumda o'zini topa olmayapti. Jamoa turnir jadvalining quyi qismida joylashgan, chempionatda o'yini o'xshamayotgani etmagandek, Kubokdan ham erta chiqib ketdi. Bu natijalardan so'ng murabbiy almashinuvi ro'y berdi – Aleksandr Xomyakov o'rniga Maksim Shackix bosh murabbiylikka tayinlandi. Tabiiyki, bu holatda "Nasaf"ning imkoniyatlari yuqoriroq ko'rinadi.

Biroq Superkubok – bu faqat bir uchrashuv. Kubok ruhiga xos holat shundaki, autsayder deb baholangan jamoa ham g'alaba qozonishi mumkin. Shu bois qiziqarli va dramatik to'qnashuvni kutish mumkin", – deydi Azamat Abduraimov.

Eslatib o'tamiz, "Nasaf" va "Andijon" o'rtasidagi Superkubok uchrashuvi ertaga, 27 may kuni o'tkaziladi. O'yinga "Bunyodkor" stadioni mezbonlik qiladi.

Azamat Abduraimov: "Nasaf" barqaror, "Andijon" bu mavsum o'zini topa olmayapti, ammo – bu Superkubok!"