Ushbu chempionlikdan so'ng jamoa bosh murabbiyi Aziz Alijonov o'z fikrlarini bildirib o'tdi.

"U-18 Birinchiligining bu yil qiziqarli tomoni shundaki, chempionlik uchun kurash oxirgi turgacha davom etganligidadir. 2 ochko farqi bilan ortda borayotgan Toshkentning "Paxtakor" jamoasi ham asosiy raqib sifatida oxirigacha kurash olib bordi. Har ikkala jamoa uchun bugungi bahslarda g'alaba qozonish o'ta muhim edi. Shuning uchun, bu bahsga astoydil tayyorgarlik ko'rish bilan birga, futbolchilarimizga kerakli ko'rsatmalarni berdik. Yigitlarimiz barchasini alo darajada bajarib, muhim g'alabani qo'lga kiritishdi va chempion bo'lishdi. Bundan juda juda mamnunman. Bizga taqdim etilgan qulaylik va yaratilgan sharoitlardan jamoamiz rahbariyatidan behad xursandmiz va rahmatlar aytib qolamiz.

Bu yil o'tkazilgan U-18 chempionatida 24 ta jamoa qatnashgan bo'lsa, ularning ichida eng yosh jamoa bizniki bo'lsa kerak deb o'ylayman.Chunki, tarkibimiz o'zagini 2004 yilda tavallud topgan futbolchilar bilan shakllantirgan edik. Bu esa kelajakda biz uchun yaxshi tajriba vazifasini o'tab beradi degan umiddaman.

Sovrinli o'rinlar uchun kurash olib borgan barcha jamoalar bizga ko'p noqulayliklar keltirishdi desam, yanglishmayman. Chunki, uy va safar o'yinlarida garchi kuchli qarshilikka uchragan bo'lsak ham, ketma-ket 16 ta uchrashuvda mag'lubiyat nimaligini bilmay kelayotgan edik. Faqat "Paxtakor" bilan kechgan shiddatli bahsda o'yinni boy berdik. Lekin, shunga qaramay oxirgi bellashuvlarda yigitlarimiz masuliyatni his etib, yuqori saviyada o'yin ko'rsatishdi va g'oliblikni qo'lga kiritishga muvaffaq bo'lishdi.

Joriy futbol mavsumi mobaynida tashkiliy ishlarni amalga oshirishda yaratib berishgan qulayliklari uchun jamoamiz rahbariyati va O'zPFL mutasaddilariga o'z minnatdorchiligimni bildirib qolaman", - dedi Aziz Alijonov.

Aziz Alijonov: "Chempionlik uchun kurash oxirgi turgacha bo'ldi"