Dastlab Marat Bikmaevning golidan so'ng mezbonlar hisobda oldinga chiqib olishdi. Hakam tomonidan qo'shib berilgan daqiqalarda esa Aziz Amonov yana bir to'p kiritib uchrashuvning 2-0 ko'rinishida yakunlanishini taminladi. Biz esa ushbu uchrashuvdan so'ng Aziz Amonovning fikrlari bilan qiziqdik.

"Albatta Superliga doirasida o'tkazilgan Yaypandagi o'yin va kubok bahsi o'rtasida farq bo'ldi. "Turon" bilan birinchi to'qnashuvimizda beshta himoyachi bilan boshlagan edik. Bu biz uchun kutilmagan holat bo'lgan, natijada ozgina kelishmovchiliklar yuzaga kelgandi. Kechagi o'yinga kelsak, jiddiy tayyorgarlik ko'rganimiz samara berdi. Yaypandagi alamli durangdan so'ng o'z maydonimizda g'alaba qozonishimiz shart edi. Raqib ham yangi jamoa sifatida shakllanmoqda. Bizga munosib qarshilik ko'rsata olishdi.
Mag'lubiyatlar ortda qoldimi yoki yo'qmi aniq javob bera olmayman. Futbolda g'alaba va mag'lubiyat birga yuradi. Biz har bir uchrashuvda bor kuchimizni ishga solib g'alaba uchun to'p tepamiz.
Qoraqalpog'istonda birinchi marotaba o'ynaymiz. Xudo xohlasa chiroyli o'yin ko'rsatamiz. "Aral Samali" bizga qarshi katta ishtiyoq bilan maydonga chiqadi",- deydi Aziz Amonov.

Aziz Amonov: "Yaypandagi alamli durangdan so'ng O'zbekiston kubogida g'alaba qozonishimiz kerak edi"