Янгиланган таркибга кўра, мамлакатимиздан умумий 28 нафар ҳакам 30 та позиция бўйича ФИФА ҳакамлиги рўйхатидан ўрин олган.

"2024 йилда ФИФА ҳакамларимиз қаторида янги номларни учратиш мумкин. Жорий йилдан эътиборан тажрибали ҳакамимиз Азиз Асимов ФИФА ҳакамлигига қайтди, шунингдек, рўйхатда сўнгги йилларда ўзини яхши томондан кўрсата олган ёрдамчи ҳакам Акмал Ғиёсов, футзал бўйича ёш ҳакамларимиз — Адҳам Рихсибоев ҳамда Ҳусниддин Баҳодиров каби номларга кўзингиз тушади.

Ўзбекистон футболида аёл ҳакамларга қаратилаётган эътибор самараси ўлароқ, жорий йилда ҳам бош ҳакамларимиз Эдита Миробидова ва Розиябону Юсупова, ёрдамчи ҳакам Зилола Раҳматова, шунингдек, футзал ҳаками Александра Кончикова халқаро майдонларда аёллар футболи ҳаками сифатида ишлаши мумкин бўлади", – дейилади ЎзФҲМ хабарида.

ФИФА ҳакамларимизнинг умумий рўйхати билан юқоридаги суратда ёки ушбу ҳавола орқали танишишингиз мумкин.

Азиз Асимов ФИФА реферилигига қайтди