Futbolchi bu haqda saytimiz tomonidan tashkil etilgan "Tezkor studiya"ning onlayn videokonferenciyasida malum qildi.

"Men Osiyo Kubogi-2011dan so'ng "Bunyodkor"da yarim mavsum o'ynadim va "Al Shabab"ga yo'l oldim. Unga qadar mavsum oldidan Anzur Ismoilov Xitoyga ketgandi. Avstriyadagi yig'in paytida "Al Shabab"ga ketmoqchi bo'lib yurgan paytim, Vadim Abramov menga "Rostov"ga o'tishim kerakligini aytdi. Mashg'ulot o'tkazayotgan paytim Karlenovich maydon markazidan darvoza to'sini yoki ustunini nishonga ola bilsam, "Al Shabab"ga yo'l olishimni, aks holda "Rostov"ga ketishim kerakligi borasida shart qo'ydi. Men tepgan to'p esa darvoza to'siniga tegdi va BAA jamoasiga yo'l oldim", - deydi Haydarov.

Eslatib o'tamiz, Aziz Haydarov ayni damda O'FA terma jamoalar boshlig'i lavozimida ishlamoqda.

To'liq videoni ko'rish

Aziz Haydarov "Rostov"ga o'tmaganligi haqida gapirdi