"To'pchilar"ning ajoyib yosh o'yinchilaridan biri Migel Aziz ijara shartnomasi asosida hozirda "Uigan" bosh murabbiyi bo'lgan sobiq himoyachi Kolo Ture qo'lida o'ynashi mumkin. Ushbu kelishuv borasida muzokaralar o'tkazildi.

Chempionshipda o'ynayotgan jamoa quyi ligaga tushib ketmasligi uchun Ture qishki transferlar chog'ida olib kelinadigan yangi futbolchilar ko'magiga ishonmoqda. 20 yoshli yarim himoyachi mavsum boshida Ispaniya quyi ligasida qatnashuvchi "UD Ibica" tarkibida ijara asosida 10 ta o'yin o'tkazganidan keyin qaytarib olindi.

"Arsenal" o'tgan yili ham uni "Portsmut"dan deyarli shunday paytda qaytarib olib kelgan edi. Azizning "Uigan"ga borib qo'shilishini uning murabbiyi biroz tajriba orttirish uchun yaxshi yo'l ekanini bildirdi.

"Arsenal" asosiy jamoasi tarkibida atigi 1 ta rasmiy o'yinda maydonga tushirilgan Migel Aziz o'tgan yili mavsum so'ngida U-23 tarkibida o'ynashni istamasligini aytgandi.

Eslatib o'tamiz, Kolo Ture noyabr oyida Lim Richardsonning bosh murabbiy o'rnini egallagan edi.

Aziz Kolo Ture boshqaruvida o'ynaydi