Uchrashuvda “Lokomotiv” jamoasining yosh yarim himoyachisi Azizbek Amonov Oliy Ligadagi debyut golini kiritishga muvaffaq bo'ldi. Istedodli futbolchi klub matbuot xizmatiga o'zining o'yin xususidagi fikrlarini bildirib o'tdi:

- “Metallurg”ga qarshi qiyin uchrashuv o'tkazdik. Sababi raqib jamoa ham ancha yaxshi o'yin namoyish etdi. Lekin yakunda baribir “Lokomotiv” 3 ochkoni qo'lga kirita oldi.

Ushbu g'alabada mening ham oz bo'lsa-da xissam borligidan mamnunman. Murabbiylar ishonib maydonga tushirishdi. Ularning ishonchini oqlashga urindim. Qo'ldan kelgancha harakat qildim. Gol kiritilgan vaziyatda esa jamoadoshlarimning ulushi juda katta bo'ldi. Aynan ulkan tajribaga ega futbolchilar menga maydonda qanday harakatlanishim borasida tavsiyalar berib turishdi. Bunday qo'llab-quvvatlashdan mamunman.

Keyingi o'yinlarda ham jamoamiz g'alaba qozonaverishini istayman. G'alaba – butun jamoaniki. Unda bugun maydonga chiqqan barcha-barchaning xissasi bor, - deydi yosh futbolchi.

Azizbek Amonov: "Tajribali futbolchilar maydonda yordam berishmoqda"