- O'yin haqida

- Juda qiziqarli o'yin bo'lib o'tadi. Murabbiylarimiz bilan birgalikda raqibimizning kuchli va kuchsiz tomonlarini o'rganib chiqdik. Jamoadoshlarim bilan yaxshi o'yin ko'rsatib, g'alaba qozonishga harakat qilamiz.

- Indoneziya bilan o'tgan yili ham o'ynagansizlar. O'sha paytdagi jamoa bilan hozirgisining farqi nimada?

- Ha, ular bilan oldin o'rtoqlik o'yinida o'ynaganmiz. O'sha paytda Indoneziya safida ham, bizning jamoamizda ham asosan yangi futbolchilar bo'lgandi. Hozirgi Indoneziya avvalgisidan kuchli va yaxshi shakllangan. Ularda ham futbol rivojlangan. Biroq biz o'z o'yinimizni namoyish etib, g'alaba uchun maydonga tushamiz.

- Siz bundan avval U-17, hozirga kelib U-20 Osiyo kubogida ishtirok etyapsiz. Bu musobaqalarning o'xshashlik va farqlari haqida nimalar deya olasiz?

- Bu ikkala musobaqa ham o'ziga yarasha futbolchilar uchun foydali, ayniqsa o'smirlar va yoshlar uchun. Lekin ularning o'rtasida farq katta, deb hisoblayman. Chunki katta yosh toifasidagi musobaqada daraja baribir boshqacha, o'yin tempi va tezlik yuqori bo'ladi. Ikkala turnirda ham raqiblar kuchli, ayniqsa yoshlar o'rtasidagi musobaqada deyarli teng kuchli jamoalar ishtirok etmoqda.

Azizbek To'lqunbekov: Hozirgi Indoneziya avvalgisidan kuchli va yaxshi shakllangan