- Xayrli kech. Bugun birinchi navbatda iroda namoyish etiladigan o'yin bo'ldi. Yigitlar g'alaba juda muhimligini ko'rsatib berishdi. Futbolchilarimiz bor kuchini ishga solishdi. Muxlislarni tabriklayman, yigitlardan minnatdorman.

- Marushich nega almashtirildi? Jasur Yaxshiboev nega tarkibda yo'q edi?

- Yaxshiboev haqida to'xtaladigan bo'lsak, u kasal. Sabab shu. Marushich katta ishni bajardi. U charchaganini ko'rganimdan so'ng almashtirishga qaror qildim.

- Bugun Jokichning yo'qligi qay darajada sezildi?

- Yovan Jokich biz uchun muhim futbolchi, ammo Azim Ahmedov bu poziciyada munosib o'yin ko'rsatib, u yo'qligini bildirmadi.

- So'nggi turda "Paxtakor" "Bunyodkor"ga qarshi o'ynaydi. "Navbahor" g'alaba uchun "Bunyodkor"ga moliyaviy rag'batlantirish taklif qilishi mumkinmi?

- Yo'q. Biz bunday ishlar bilan shug'ullanmaymiz. "Navbahor" faqat o'ziga etibor qaratadi.

Babayan: "Biz "Bunyodkor"ga g'alaba uchun moliyaviy rag'batlantirish taklif qilmaymiz"