Terma jamoasi tarkibida 2010 yilda Janubiy Afrika Respublikasida o'tkazilgan mundialda 3-o'rinni egallagan, Germaniya Bundesligasida 6 bor zafar quchgan. Futbolchi bu haqda o'zining Twitter sahifasida malum qildi:

"Barchasi uchun minnatdorman. Ortga nazar tashlasam, muvaffaqiyatli davrni ko'raman".

Markaziy himoyachi poziciyasida to'p tepgan futbolchiga bir paytlar favqulodda istedodli, deb baho berishgandi. Biroq uning jarohatga moyilligi ham bor edi. Uning o'zi bu borada:

"Albatta, kamroq jiddiy jarohat olishni istagan bo'lardim. Erishgan yutuqlarimizdan mamnunman", – dedi.

Badshtuber 2009 yilda Myunxenda professional faoliyatini boshladi va uning asosiy qismida "Bavariya" klubi uchun harakat qildi. Hatto 2013 yilda sobiq jamoasi bilan Evropa Chempionlar Ligasi g'olibligini qo'lga kiritdi. U, shuningdek, "Shalke 04" va "Shtutgart" jamoalarida ham o'ynadi. Himoyachining so'nggi klubi Shveycariyaning "Lyucern" klubi bo'ldi.

Xolger kelajakdagi rejalariga ham oydinlik kiritib o'tgan:

"Men otamning izini bosgan holda murabbiylik faoliyatimni boshlamoqchiman. Umid qilamanki, futbolda yana uzoq muddat qolaman, faqat boshqa rolda".

Badshtuber futbolchilik faoliyatiga yakun yasadi